"التحرش بالأطفال بيحصل بشكل شرعي في الصعيد".. فنانة مشهورة تثير الجدل (ما القصة؟)
أثارت المطربة إيناس عز الدين موجة جدل واسعة بعد ربطها بين التحرش بالأطفال “البيدوفيليا” وبين زواج القاصرات، وذلك من خلال مقطع فيديو نشرته عبر حسابها الشخصي بموقع تبادل الصور والفيديوهات “انستجرام”.
إيناس عز الدين: هل طبيعي أن راجل بالغ عاقل يبص لطفلة لمجرد أنها بلغت ايه هيغريه فيها عشان يتجوزها؟!
وقالت إيناس عز الدين: “أنا جاية أثير الجدل، بس والله مش عن قصد، أكتر ما انا عايزة أقولكم البيدوفيليا مش حاجة جديدة على فكرة، الناس اللي متفاجئة أوي من هوجة الاعتداءات على الأطفال وعمالين يقولوا من امتى ده بيحصل، على فكرة ده كان بيحصل من زمان للأسف وبشكل مقنن، وبشكل شرعي ورسمي تحت مسمى الزواج، زواج القاصرات في الأرياف والصعيد وأماكن كتير”.
وأضافت: "كنت تلاقي الراجل من 30 سنة بيتجوز طفلة عندها 10 سنين، تحت مسمى أنه بيتجوزها لأنها قطة مغمضة، لكن الواقع أن مافيش راجل عاقل بالغ رشيد ممكن يبص لطفلة صغيرة، ويقول لأهلها أنا عايز اتجوزها، فلو جينا نبص للموضوع هنلاقي أنه موجود منذ قديم الأزل، لولا أنه بقى في قوانين وبيتبلغ عن أي حالة، وبقى بيتم اتخاذ الاجراءات القانونية”.
لمشاهدة الفيديو اضغط هنـــــــــــــــا
وأردفت إيناس: “الواقع أن في أهالي كتير مشاركة أن بناتها يتمارس عليهم البيدوفيليا، هل طبيعي أن راجل بالغ عاقل يبص لطفلة لمجرد أنها بلغت، ايه هيغريه فيها عشان يتجوزها؟!".
واختتمت إيناس عز الدين الفيديو بقولها: "البيدوفيليا موجودة من زمان ولكن دلوقتي ظهرت بطرق فيها سرقة لأنها مبقتش متاحة زي زمان، في أهالي كتير بيشوفوا أن البنت عار ومادام بلغت نجوزها، بدل ما نؤدها زي زمان نجوزها، بس البنات مش عار”.