شيرين عبدالوهاب تحسم الجدل.. هل اعتزلت الغناء؟
حسمت الفنانة شيرين عبدالوهاب الجدل المتداول خلال الأيام الماضية حول شائعات اعتزالها، مؤكدة في تسجيل صوتي أنها مستمرة في الغناء وتُحضّر لجمهورها مجموعة كبيرة من المفاجآت خلال الفترة المقبلة.
وقالت شيرين في رسالتها الصوتية: "بحضر مفاجآت مختلفة وجديدة هتفرحوا بيها أوي، هغني ليكم من أماكن مختلفة، وهفضل أغني لحد ما أموت. مفيش اعتزال.. الاعتزال هو الموت.. وطول ما أنا عايشة بغني وبحبكم".
وكشفت شيرين عن مرورها بأزمات صعبة من أقرب المقربين إليها، لكنها شددت على أنها لن تستسلم، قائلة: "في حاجات جامدة جدًا بتحصلي من أقرب الناس ليا.. تكسير وقتل، بس أنا جامدة وربنا معايا ومقويني".
وأكدت الفنانة أنها تعيش من أجل جمهورها وتستمد قوتها من حبهم، مضيفة: "أنا بتاعتكم وعايشة علشانكم.. استنوا الجديد، أنتوا الدنيا بالنسبة ليا".
