عياط الروح

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

جربت ف مرة
عياط الروح
بتحاول دايما 
وتعافر
وبتبكي تملي 
بكاتم صوت 
واخد أحلامك 
والواقع دايما 
إنك مكبوت
أيامك خوف 
م الدنيا وحالها 
وم المخاليق
وبراح بيضيق
كل ما تفكر ف احوالك
وتدور ع اللي بيجرالك
فتلاقى الدوشة
ماليها سكوت
يسحب من روحك 
ويقصر
ف احبال البوح
ف تطبطب ب ايدك
على قلبك
و تقوله كفاية 
بطل دق ..
والآه 
محبوسة بتتدارى
ف صراخ مكتوم
ومصير محتوم
وانت بتعافر 
وتفكر 
فيه رب كريم
ليك بيدبر
خيرك .. وهناك
لنصيب عداك
وانت ولا شايفه
ولا مفكر
هيجيلك يوم
تفرح وتعيش
وأحلامك يمكن تتحقق
وانت بتتحقق وتدقق
"انا حظي معاكي يادنيا كده"
بالحزن وحيد
ولا عندي جديد
واقف ف مكاني
ومتسمر
ب ابكي على حالي
وب أعاني
ده ياريتني حديد
متحمل كل هموم الكون
واحزان ب الكوم
مسجونة 
جوه جدار روحي
ويا طول نوحي
وقلة بوحي
فإمتى ياروحي 
ها تروحي
وأبطل احس 
عياط الروح
بيكفي جروح