"كان هيخرجني من الملة".. بلوجر شهيرة تكشف تفاصيل زواجها من عبد الله رشدي وإنكاره لابنته
ظهرت البلوجر أمنية حجازي في حلقة جديدة من برنامج "مساء الياسمين" مع الإعلامية ياسمين الخطيب المذاع عبر قناة الشمس، حيث تحدثت عن تفاصيل زواجها من الداعية عبد الله رشدي، موضحة أنها ترغب فقط في توضيح الحقيقة بعد انتشار العديد من الأقاويل حول قصتها.
أول ظهور لبلوجر تتهم عبد الله رشدي بالزواج منها وإنكار ابنته.. وتفاصيل مثيرة تكشفها في مساء مع ياسمين الخطيب: كان هيخرجني من ملتي
قالت أمنية خلال اللقاء: عبد الله رشدي مش صاحب فضل عليّ في ارتدائي الحجاب، أنا كنت بتابع محتواه وكنت بفكر ألبس الخمار، وبدأت أتعلم علم شرعي وأفكر في النقاب، فسألته لو النقاب فرض ولا سنة، ورد وقال: أنا شايف إن لبسك محترم، وده كان بداية الكلام بينا.
وأضافت: في شهر مايو طلب رقم والدي علشان يخطبني، ومفيش بينا أي تعارف، وطلب رسميًا زواجي صالونات، وبعد ٤ أيام فقط من الخطوبة كتبنا الكتاب، وكان في القسيمة مكتوب إنه غير متزوج، وأنا كنت عارفة إنه سبق وتزوج واحدة قبلي وطلقها.
أمنية حجازي توضح تفاصيل زواجها من عبد الله رشدي
وتابعت: الزواج كان رسمي وأهلي كانوا عارفين، لكني مكنتش حابة حياتي تكون على السوشيال ميديا، بعد فترة بدأت توصلني رسائل من حسابات غريبة، واكتشفت إن في سيدات بيتكلموا عني وبيخوضوا في عرضي، وعملت محضر لكن هو طلب مني أتنازل عنه".
وأشارت أمنية إلى أن أكثر ما آلمها هو صمت عبد الله رشدي رغم ما تتعرض له من هجوم، قائلة: "كلام الناس موجعنيش قد سكوته، المفروض يبقى غيور عليّ أكتر من كده، بس هو مكنش عايز الناس تعرف إنه اتجوز علشان يفضل في نظرهم الزوج الوفي لمراته اللي ماتت.
