طلب مني رشوة وهددني.. مسلم يفضح مسئول في نقابة الموسيقيين (ما القصة؟)
فجر مطرب المهرجانات مسلم، مفاجآت صادمة خلال الإدلاء بأقواله في التحقيق معه بنقابة المهن الموسيقية، مشيرًا إلى أن أحد المسؤولين بالنقابة طلب منه رشوة محاولًا ابتزازه.
أقوال مسلم أثناء التحقيق معه بنقابة الموسيقيين: أحد المسؤولين في النقابة ابتزني وجاب لي حفلة بـ 180 ألف خد منهم 80
وقال مسلم: “أحد المسؤولين في النقابة ضغط عليا وطلب مني رشوة، وابتزني وجاب لي حفلة بـ 180 ألف خد منهم 80”.
وأضاف: “وثقت فيه لأن مكنش بإيدي حاجة تاني أعملها”.
مسلم يهاجم نقابة الموسيقيين بتصريحات نارية
وكان مسلم قد هاجم نقابة المهن الموسيقية من جديد، بمنشور صادم عبر ستوري حسابه الرسمي بموقع تبادل الصور والفيديوهات "انستجرام".
وكتب مسلم: “ما عادي ممكن يسيبوا حد يبوس واحدة على الاستيدج، وبعد كده يفرشوا الأرض ورد ليه، ويستقبلوه أحلى استقبال”.
وتابع مسلم : "وعادي يسيبوا حد يقول إيحاءات في الأغاني، وعادي محدش برضه يتكلم "، مضيفًا: "وعادي يسيبوا حد يقول كلام في أغاني يخلي العيال الصغيرة تعور بعضها، وكل دول ما يتحاسبوش "
وواصل : “وأنا اللي أفضل قاعد سنة بدون شغل عادي جدا، بس أقول إيه هي دي الواحد لما يكون معاه سلطة بيدوس علي أي حد”.
واختتم مسلم رسائلك النارية للنقابة بقوله: "ويطلع يتكلم باسم الفضيلة وإنه راجل عادل وعمره ما ظلم حد.. حسبي الله ونعم الوكيل.. نقابة مش عادلة "