بسنت شوقي تحذر متابعيها: التقرب لله بالنية الصادقة فقط
خرجت الفنانة بسنت شوقي لتعبّر عن انزعاجها من بعض الانتقادات الأخيرة التي تلقتها على مواقع التواصل الاجتماعي، مؤكدة أن بعض التعليقات تنم عن سوء فهم الدين.
وكتبت بسنت عبر صفحتها قائلة : «شوف يا مؤمن من دون كل الكومنتات اللى الواحد بيقراها على السوشيال ميديا، أكتر واحدة صعبة بالنسبة لي هى: "الحمد لله الذى عافانا".
وتابعت: «يا حبيبى أو يا حبيبتى.. انت مش فاهم دينك خالص و جاى تتنطط على خلق الله، انت مش حقيقي بتحمد ربنا، انت بتتريق على الغير، و النبرة بتاعتك و نيتك ريحتهم فايحة».
وأضافت: «ربنا بيقول " يا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ" و برضو بيقول "َلَا تُزَكُّوا أَنفُسَكُمْ ۖ هُوَ أَعْلَمُ بِمَنِ اتَّقَى".. و لو حضرتك قريت تفسير الحديث اللى انت ماشى بتقوله ده و قريت فى صميم دينك هتعرف حاجتين».
وتابعت: «التقرب من الله فضل منه مش مجهود من حضرتك خالص، لو هتدعى ونيتك فعلا انك تحمد ربنا لازم تقولها بينك وبين نفسك … زى مثلا لو شفت حد اعمى او مريض و حمدت ربنا، مش هتروح تقوله فى وشه الحمد لله الذى عافانا … ولا ايه؟ يا مؤمن و يا مؤمنة؟!».