محمد رمضان: فيلم "أسد" هو النموذج الذي سأبني عليه كل أعمالي القادمة
أكد الفنان محمد رمضان، أن فيلمه الجديد "أسد"، يمثل محطة مهمة في مشواره الفني، ووصفه بأنه "دراسة حالة" لكل مشاريعه المقبلة.
قال "رمضان" في لقائه مع الإعلامي إيلي نخلة عبر ET بالعربي: "الفيلم ده تحديدًا أنا بعتبره (case study) لكل المشاريع اللي هتيجي بعده، أنا تفرغت من الدراما تمامًا 3 سنين، ووقفت أي تعاون سينمائي عشان أصنع فيلم يكون هو ده النموذج اللي مش هشتغل غير على مواصفاته، حتى لو هقعد 10 سنين في البيت".
أضاف أن هدفه من "أسد" كان تقديم مثال يُظهر المعايير التي يجب أن تكون عليها أفلامه المقبلة، موضحًا: "كنت عايز السوق يشوف مثال، الفيلم اللي أنا عايزه، بعدد أيام التصوير، بالمنظومة المتكاملة من مخرج وكتابة وموسيقى تصويرية وديكور، كل حاجة لازم تبقى على نفس المستوى".
وأكد "رمضان" أن كل مرحلة في مسيرته لها خصوصيتها، قائلاً: "كل فيلم أنا عملته في وقته كان مهم، وما كانش ينفع أعمل غيره، يعني ما أعتقدش إن (أسد) كان ينفع أعمله أيام (عبده موتة)، لأن بسببه صناع الدراما تهفّتوا عليّ يعملوا (ابن حلال) و(الأسطورة)، فكل مشروع كان بتاع وقته".
اختتم: "(أسد) ده معاده دلوقتي، وكل اللي جاي جاي وأنا بكبر وأنضج، النهارده عندي 37 سنة، فمقدرش أعمل أفلام صغيرة لأني ما بقيتش صغير".
