أمينة خليل تفجر مفاجأة عن بدايتها في السينما.. ما علاقة يوسف شاهين؟
قالت الفنانة أمينة خليل إنها بدأت مسيرتها الفنية وهي في الخامسة عشرة من عمرها، حيث شاركت كـ"كومبارس" في فيلم "الإسكندرية نيويورك" للمخرج الكبير يوسف شاهين، مؤكدة أن تلك التجربة كانت لحظة فارقة في حياتها.
وأضافت خلال لقائها ببرنامج "الصورة" الذي تقدمه الإعلامية لميس الحديدي على شاشة "النهار": “كنت في سن 15 سنة، واشتغلت كومبارس في فيلم يوسف شاهين، فاكرة إن لما كان بيدخل اللوكيشن بتسود حالة من الصمت التام، وكان فيه رهبة فظيعة، الكل بيقف كأنه في طابور احترام وتقدير”.
وتحدثت أمينة خليل عن علاقتها بمدينة الجونة، قائلة: “الجونة ليها مكانة خاصة جدًا عندي، مش بس في وقت المهرجان، لكن دايمًا. أنا شُفت المهرجان في مهدِه وفي كل مراحل تطوره، لحد ما بقى بالشكل الراقي اللي هو عليه النهارده، وعلشان كده بحرص كل سنة على الحضور ودعمه”.
وعن مشاركتها في مهرجان الجونة السينمائي، قالت: “ببقى فخورة جدًا وأنا في الجونة، لأن أكتر حاجتين بحبهم بيجتمعوا في مكان واحد: السينما والجونة، بحضر الفعاليات والندوات وبكون سعيدة إن فيه نقاشات ثقافية حقيقية”.
وردًا على سؤال لميس الحديدي حول من يرى أن المهرجان يقتصر على السجادة الحمراء والفساتين، قالت أمينة خليل: “الناس مش عارفة إن الجونة مش مجرد فساتين، دي منصة ثقافية وسياحية مهمة جدًا. أنا باجي علشان أشوف الأفلام اللي ممكن ميبقاش سهل نشوفها في العادي، أفلام من كل أنحاء العالم لمخرجين كبار ومبدعين”.
اقرأ المزيد..
