رئيس حزب الوفد ورئيس مجلس الإدارة
د.عبد السند يمامة
رئيس مجلس التحرير
سامي أبو العز
رئيسا التحرير
ياسر شورى - سامي الطراوي
رئيس حزب الوفد ورئيس مجلس الإدارة
د.عبد السند يمامة
رئيس مجلس التحرير
سامي أبو العز
رئيسا التحرير
ياسر شورى - سامي الطراوي

محمود حميدة: يوسف شاهين كان أب ليا… وكان بيتعامل مع عنادي بحنية الأب

بوابة الوفد الإلكترونية

تحدث النجم محمود حميدة خلال ندوة المخرج الراحل يوسف شاهين بمهرجان الجونة السينمائي، عن علاقته بالمخرج الراحل قائلا: يوسف شاهين كان أب ليا والفرق في العمر بينه وبين والدي سنتين، وكان بيستقبل انفعلاتي زي والدي بالظبط لما بيوجهني لانه عارف اني حمار وعنيد مش بيقولي بشكل مباشر، وكان مبدع الله يرحمه".


وتحدثت يسرا عن عمق تأثيره على الممثلين الذين عملوا معه، قائلة:"أى فنان يشتغل مع يوسف شاهين بيتأثر بيه جدًا، تأثيره بيكون طاغٍ لدرجة إن بعض الممثلين ممكن يظهروا بطريقة مختلفة عن طبيعتهم، وده لأنه كان عنده قدرة غير عادية على إخراج طاقات الناس اللي حواليه".

 

وأضافت يسرا: "يوسف شاهين كان بيحب الممثلين جدًا، وكان يقف ورا الكاميرا بنفسه علشان يلقط مني التعبير اللي عايزه، من غير ما يطلبه بشكل مباشر. كان يعرف إزاي يوصلك للحالة اللي في دماغه من غير ما يقلّبك نسخة منه، وده الفرق بين التأثر بيه والتقليد."

 

واستعادت يسرا أحد المواقف المؤثرة التي جمعتها به أثناء تصوير أحد الأعمال، وقالت:"في مرة كنت مش فاهمة المشهد وقلت له: أنا مش عارفة أعمل إيه؟ رد عليّ وقال: أنا مش عايزك إنتي اللي تنوريني، أنا عايز نور رباني. وبعد ما صورنا المشهد لقيته قاعد لوحده ودمعة في عينه، وقال لي: ده مش دلع، أنا اتأثرت بجد."


وأكملت يسرا حديثها: "كان بيخليني أشارك في كل تفاصيل الشغل، حتى في الأمور الفنية الصغيرة، وكنت حاسة دايمًا إن الفيلم اللي بشتغل فيه معاه مكتوب لي أنا، ومصنوع بروحنا سوا، فيوسف شاهين كان بيملك نورًا خاصًا، طاقة بتعدي لكل اللي حواليه، وكان فعلاً بيصنع حالة فنية مش ممكن تتكرر".