بعد الحلقة الأولى.. باسم يوسف يعلق على ردود الأفعال عن لقائه في برنامج "كلمة أخيرة"
كشف الإعلامي باسم يوسف كيف تلقى ردود الفعل على الحلقة الأولى من لقائه في برنامج "كلمة أخيرة"، من تقديم الإعلامي أحمد سالم عبر قناة ON.
وقال باسم يوسف: "فيه ردود أفعال كتير، وكنت متوقع يكون فيه ردود أفعال مختلفة، لكن أكتر حاجة مش هقول ضحكتني، هقول استغربتها، يقولك إيه ده! ده مش باسم، باسم اتغير مش زي ما هو.. معلش يعني كلنا أخبارنا إيه؟.. 11 سنة عدت على الناس كلها والناس هتفضل زي ما هي!.. أيوة أنا معدتش باسم بتاع 2011. أنا واحد عنده 51 سنة، عندي حياة مختلفة وظروف مختلفة وأفكار مختلفة ومستمتع إني بتغير وبتعلم حاجات كتير.. مصر نفسها بتتغير والظروف والأحاسيس بتتغير".
وأضاف باسم يوسف: "أنا مقدر وممتن إن الناس عايزة باسم بتاع البرنامج، وفي الحقيقة الناس مش عاوزة باسم ولا البرنامج، الناس عاوزة تشوف الترمومتر رايح فين واللقاء رايح فين. والاتجاه رايح فين..هيتكلم ولا لا؟ هيقول ولا لا؟.. لأسباب تانية بره البرنامج".
طالع أيضا - أيتن عامر تتألق بإطلالة زرقاء لامعة في جلسة تصوير جديد.
تحدث باسم يوسف خلال اللقاء عن تأثير المحتوى الذي يقدمه على والدته الراحلة قائلا: "إن أكبر خطأ ارتكبه في حياته، كان أنه علّم والدته كيفية الدخول إلى موقع "يوتيوب" لمتابعة حلقات برنامجه".
وتابع: "ماما قالت لي: علّمني إزاي أدخل على يوتيوب علشان أشوف الفيديوهات بتاعتك.. وكانت أسوأ غلطة في حياتي، قالت لي: يا باسم، الناس بتشتمني، وكانت زعلانة جدًا. دي بني آدمة طبيعية شافت ناس بتشتمها لمجرد إنها أم واحد بيعمل محتوى على يوتيوب. وماما ماعرفتش تستمتع بالبرنامج بتاعي".
