إيناس الدغيدي تكشف سبب إلغاء حفل زفافها بعد عقد القران
علقت المخرجة المصرية إيناس الدغيدي على قرانها على رجل الأعمال أحمد سوكارنو، في أجواء عائلية هادئة اقتصر حضورها على عدد محدود من الأصدقاء المقربين، وإلغائها للفرح الموسع قائلة: فوجئت أن السوشيال ميديا كله أخذ موقف فظيع من الفرح قبل ما بيتعمل.
تابعت خلال لقاء ببرنامج الصورة مع الإعلامية لميس الحديدي على شاشة النهار: أنا مخفتش فلغيت الفرح، لكن أنا ما حبيتش أعمل حاجة تخلي ناس كتيرة مش عاوزاها تحضر وتيجي، مش بتكلم عن الصحفيين لأن الصحفيين أصدقاء، ولو عاوزة حد يحضر وأقوله متنشرش عادي أصدقائي، لكن الفكرة إني خفت ناس منعرفهاش تيجي من السوشيال ميديا كيوتيوبرز وهيطلعونا بشكل وحش وتيك توكرز.
ولفتت إلى أنها لم تنزعج من خوضها التجربة رغم أنها على مشارف 73 عاماً قائلة: مخفتش، ومن أول يوم اتكلمنا قلتله عارف عندي كم سنة؟ قالي عارف كل حاجة.
ووجهت رسالة لمن أسمتهم الحاسدين قائلة: "بقولهم بطلوا تاكلوا رز ومكرونة، وبقول لكل ست لو في أي حاجة ظهرت في وشك صلحيها، الناس فاهمة إني باخد حاجة، أنا كنت لاعبة سلة ست سنوات وكنت سباحة، وكنت لما بتخن باخد بالي من نفسي، محدش بياخد باله من نفسه من غير مجهود، بقول للستات اعملوا مجهود ووروني".
وعن رأي ابنتها حبيبة قالت: في البداية اتخضت، مكنتش عارفة إن يوم زي ده هيجي خاصة إنها عارفة إن حياتي كلها هم أحفادي، واعتقدت إني بلغت سن معين. في البداية اتخضت، قالت لي تعرفيه كويس؟ إنتي هتروحي بلد وهتسبينا؟ ولما وصل مصر أول يوم قرر يشوف حبيبة، فلما قعدت معاه هي وجوزها أعجبت به وقالت راجل محترم ومؤدب، ومع الوقت اقتنعت أكتر ودعمتنا أكتر.
