هل إيناس مكي رفعت قضية ضد شقيقها أحمد بسبب عمل فني؟.. (تفاصيل)
نفت الفنانة إيناس مكي توجهها لرفع قضية ضد شقيقها أحمد مكي بسبب عمل فني، مؤكدة أنه لا وجود لأي خلافات بينهما، وذلك خلال لقائها في برنامج تفاصيل مع الإعلامية نهال طايل.
إيناس مكي: أحمد مكي هو سندي ولا صحة لخلافات بيننا
وقالت إيناس مكي: "الكلام ده مش صحيح.. أحمد أخويا وحبيبي وظهري وراجل البيت، لو احتجت حاجة بكلمه في التليفون بلاقيه جنبي فورًا".
وأضافت: “أنا عمري ما طلبت من أحمد يرشحني لدور.. هو لو شاف إني مناسبة لشخصية أو إن الدور هيضيف لي، هيكلمني من نفسه أنا واثقة إنه لو شايف ده خطوة لقدام مش هيتردد”.
إيناس مكي: عمري ما حسيت بالانكسار علشان مفيش راجل في حياتي
وأضافت الفنانة إيناس أن أحمد مكي يمثل لها سندًا حقيقيًا على المستويين الإنساني والعائلي، موضحة: “أنا عمري ما حسيت بالانكسار بسبب عدم وجود راجل في حياتي.. أحمد بيكفيني، وبيخليني مش محتاجة أي حاجة تانية”.