إهانة غير مقبولة.. الذكاء الإصطناعي يحول أم كلثوم لمغنية راب| جدل بين المؤيد والمعارض
تداول رواد مواقع التواصل الاجتماعي صورة مصممة بتقنيات الذكاء الاصطناعي، لكوكب الشرق أم كلثوم، وكأنها جلسة تصوير حديثة بإطلالة شبابية، وحملت الصور طابعًا يتناسب مع العصر الذي نعشيه الأن بعيدًا عن صورتها وإطلالتها المميزة التي ارتبطت بها أذهان الجماهير لعقود، والأمر الذي تسبب في غضب الجماهير، واصفين الصور بإهانة أيقونة من أيقونات مصر والوطن العربي.
رواد السوشيال ميديا غاضبون من تشوية صورة أم كلثوم
بعد نشر الصور على موقع فيسبوك، تفاعل عدد كبير من رواد مواقع التواصل الاجتماعي مع المنشور ما بين الدهشة والانتقاد، فالبعض رأي أن الصور إهانة لشخصية تاريخية بحجم أم كلثوم أمر غير مقبول، خاصة إذا جاءت في سياق ساخر أو لا يليق بمكانتها الفنية والإنسانية.
وجاءت التعليقات كالأتي، " هي حلوة وكل حاجة بس المفروض كنت تفكر قبل ما تنزلهم مش عارفة يعني حساها حاجة مش مقبولة أولا لأن الست متوفية يعني خلاص راحت اللي خلقها مش حاسة أنها حاجة نعمل فيها كده ثانيا ممكن لو حطيت نفسك مكان أهلها ومش معرفهم حاجة زي دي تستفزهم يعني ايه يقوموا الصبح من النوم يحسوا كانك بتستهزء بيها مع كامل احترامي ليك واكيد انك متقصدش كده"، " هو ماينفعش نحترم الناس اللي ماتوا ونسيبهم في حالهم ، يعني أعمل صور للناس اللي عايشة هما قصروا معاكم في حاجة؟"، " شغل حلو بس متكرروش تاني مع ايقونات زي ام كلثوم وجيل العظماء .. دول خط احمر يا محترم"، " ست راحت للخالقها تاخد وشها وتركبه علي اشكال تانيه دي حاجه مش ظريفه اطلاقااا"، " مش حلوة واستهزاء ع فكره اتمني تمسحهم حتى لو قاصد بيهم ماركيتنج ممكن جدا شغلك يقع بسببها"، " ليه كده احترموا الرموز الصور ديه اظن انها عمرها ماكانت تتمني تشوفها واحده عاشت عمرها كله في زي موحد فستان عمرنا ماشوفناها في زي غيره ليه تلبسوها كده"، "اهانة لايقونة من ايقونات مصر ودا غير مقبول".
جدل بين المؤيد والمعارض
وسط حالة الجدل التي انتشرت، إلا أن هناك بعض الأشخاص الذين يرون بأن الفكرة هي مجر إبداع بصري باستخدام أدوات الذكاء الاصطناعي، دون قصد الإساءة، ليتصاعد الجدل من جديد حول حدود استخدام الذكاء الاصطناعي، وسط صمت تام من صاحب الحساب الرسمي الذي لم يعلق على الانتقادات التي وجهت له.
