"سبت البلد وهربت".. جيهان الشماشرجي تكشف عن أسرار تجربة عاطفية صعبة في حياتها
قالت الفنانة جيهان الشماشرجي إن جلوسها لفترات طويلة بمفردها جعلها تفهم نفسها أكثر: "قعدتي لوحدي فهمتني نفسي وخلتني أتنفس.. كنت حاسة إني بتنفس ثاني أكسيد الكربون بتاعي عشان مقفول عليا برطمان".
وأضافت خلال لقائها ببرنامج "صاحبة السعادة"، المذاع على "دي إم سي"، أنها تعرضت لتجربة عاطفية صعبة اضطرتها للسفر خارج البلاد بمفردها، وهو ما انعكس بشكل سلبي على حالتها النفسية وصورتها الذاتية: "التجربة بتاعة السفر نستني أنا مين.. شكلي اتغير ومبقاش عندي ثقة في نفسي.. مكنتش ببص في عين اللي بيكلمني عشان ميشوفش قد إيه أنا قبيحة".
وأكدت أنها نجحت في علاج نفسها والتعافي من هذه التجربة المريرة، موضحة أنها تعاملت معها باعتبارها محطة للتعلم واكتشاف الذات:"أنا اتعلمت منها عشان بصيت للموضوع ليه التجربة حصلت لي ومسئوليتي فيها كانت قد إيه.. تجربتي عرفتني إيه اللي مش هينفع معايا خالص وإيه اللي أنا عايزاه من الناحبة العاطفية".
وأشارت إلى أنها لا تمر في الوقت الحالي بأي تجربة عاطفية: "مفيش حد في حياتي دلوقتي"، ووصفت نفسها بأنها إنسانة شديدة الحساسية، مؤكدة أن هذه النقطة يجب أن يضعها شريك حياتها المستقبلي في اعتباره.
