مراسيل

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

معنديش حاجة شايفاها.. 
و كل اللي بشوفه سراب.. 
دى أوهام عايشة جواها..
و جوايا العشم كدّاب

و قولت ان العمى واجب
و فرض على اللي مش عاجب..
و تعلى العين على الحاجب..
مدام ماىنفعش أي عتاب..

خلاص فات الآوان للقول..
و تخميني لحدث مجهول..
ومين قال ان بكرة ده غول؟! 
و إن مصايبه عالأبواب!!

و لو هتكون وإيه يعني؟! 
و مين منهم هيمنعنى؟! 
و لو كان عشمى طمّعنى.. 
فإمتى الحلم كان بحساب!!

ماعادى أحلم و أزيد فيها.. 
و أعشم روحى و أغويها.. 
يجوز بالوهم أسلّيها.. 
و أطمن خوف سكن وإتساب

ولو بكرة اللى جاى شايل.. 
رحيل قرّب ومش قايل.. 
أدينى بسيبلكوا رسايل.. 
تونس بعد ما امشي احباب.