"جريمة وتفاهة إعلامية".. رسالة غاضبة من خالد سرحان بسبب بطلة ترند الشيبسي والشحات (ما القصة؟)
على الرغم من تعاطفه معها وإعجابه الشديد بموقفها، إلا أن الفنان خالد سرحان وصف الإعلام المصري ب"التافه"، لتسليطه الضوء بشكل مبالغ فيه على قصة الطفلة هايدي بطلة ترند الشيبسي والشحات، مشيرًا إلى أن هناك موضوعات أكثر أهمية تستحق التركيز عليها بهذا الشكل أيضًا ولكنهم لا يلتفتون لها بأي شكل من الأشكال، وذلك خلال منشور عبر حسابه الشخصي بموقع التواصل الإجتماعي الأشهر “فيس بوك”.
خالد سرحان: أنا مع البنت بتاعة الشيبسي جميلة وقلبها أبيض وتشكر بس إيه التفاهة الإعلامية اللي بقينا فيها دي يا جماعة
وكتب خالد سرحان: “أنا مع البنت بتاعة الشيبسي جميلة وقلبها أبيض وتشكر … بس إيه التفاهة الإعلامية اللي بقينا فيها دي يا جماعة في حاجات أهم بكتييير كان ينفع الإعلام يركز عليها”.
وأضاف: “فكرة السطحية تعم البلاد والعباد بشكل مخيف ممكن نستلف شوية أفكار من دول عندها إعلام مش عيب لكن نعرف حتى نركز علي أنهي حدث نطلعه تريند إنما المساعدة في تسطيح عقول البشر وخلق بطولات وهمية علي حساب البطولات الحقيقية دي جريمة”.
خالد سرحان عن بطلة ترند الشيبسي: احنا ليه شايفين نفسنا مجرميـن والبنت دي استثناء؟
واختتم خالد سرحان رأيه متسائلًا: “احنا ليه شايفين نفسنا مجرميـن والبنت دي استثناء ؟ مش المفروض ده الطبيعي ليه القاعدة شـذت للدرجة دي ؟ ليه مش شايفين النماذج دي عادية ؟ هي مشكلة فينا ولا في الإعلام اللي ربه الأجيال دي؟!".