طارق الشناوي: لو طبقنا معيار نقابة الممثلين ماكنتش سعاد حسني ولا منة شلبي اشتغلتا
انتقد الناقد الفني طارق الشناوي قرار نقيب المهن التمثيلية الدكتور أشرف زكي بمنع البلوجرز من دخول مجال التمثيل، معتبرًا أن هذا القرار يتعارض مع منطق الفن وروحه، ويخالف مبدأ تكافؤ الفرص والعدالة الإبداعية.
طارق الشناوي عن قرار منع البلوجرز من التمثيل: ضد المنطق والعدالة.. ومنة شلبي مكنتش بتعرف تمثل واتعلمت
قال الشناوي خلال لقائه في برنامج مساء الياسمين مع الإعلامية ياسمين الخطيب، على قناة الشمس: شايف إن القرار ضد المنطق والعدالة.. منة شلبي وهي عندها 17 سنة ماكنتش بتعرف تمثل، لكن المخرج الكبير رضوان الكاشف علمها التمثيل في فيلم الساحر، ودلوقتي بقت ممثلة قديرة وعندها رصيد كبير.. لو طبقنا المعيار تفسه، منة ماكنتش اشتغلت ولا حتى سعاد حسني.
وأضاف: المعيار الوحيد المفروض يكون هو الموهبة.. الجمهور هو اللي بيحكم، وهو اللي يقرر ينجح أو يفشل أي فنان.. إديله فرصة، لو فشل، الجمهور هيرفضه بنفسه.
وأشار الشناوي إلى أن كثيرًا من نجوم الكوميديا لم يتخرجوا في معاهد فنية، قائلًا: معظم نجوم الكوميديا زى عادل إمام وسمير غانم خريجو كلية زراعة.. مش ضروري تبقى خريج معهد فنون علشان تبقى ممثل.