انقطاع الكهرباء بالجيزة لليوم الثالث على التوالي.. ومواطنون " موت وخراب ديار"

 أعرب سكان محافظة الجيزة المتأثرين بانقطاع الكهرباء والمياه عن استيائهم الشديد من استمرار انقطاع التيار الكهربائي، في يومه الثالث على التوالي، واصفين حياتهم في تلك الفترة برحلة العذاب، لاسيما في ظل الارتفاع الشديد لدرجات الحرارة.

والتقت "الوفد" في جولة ميدانية بموقع انقطاع الكهرباء بساقية مكي بالمواطنين المترددين على الموقع متسائلين عن موعد عودة التيار الكهربائي.

وقالت سيدة في الستين من عمرها " حرام كدة اكتر من تلات أيام الكهرباء والمياه قاطعين، مش عارفين نعيش، ومفيش حد عارف العطل هيتصلح أنته".

وقالت سيدة أخرى:" جارتي عايشة على التنفس الصناعي وماتت امبارح بس قطع الكهربا، حرام كدة مفيش حد حاسس بينا مش هيبقى موت وخراب ديار".

وقال رجل في السبعين من عمره " هنموت من الحر ومن انقطاع المياه ومفيش حد يقدر يستحمل كدة ولا في مراعاة لكبار السن ونتمنى حل المشكلة في أسرع وقت".

والتقطت أطراف الحديث سيدة أربعينية معبرة عن امتعاضها من المأساة التي يعيشون فيها قائلة:"كل حاجه باظت في الثلاجات وأطفالنا هيموتوا من الحر وقلة المياه، ياريت حد يابعتلنا مولد كهرباء"