عبير عادل.. من بنت الوزير بـ لن أعيش فى جلباب أبي لـ كابتن فى شركة توصيل

كشفت الفنانة عبير عادل، المعروفة بدور ميرفت بنت الوزير في المسلسل الشهير لن أعيش في جلباب أبي، عن مصدر دخلها الجديدة، بعد ابتعادها عن الوسط الفني لمدة تجازوت الست سنوات.

عبير عادل: بصور الطلبات ونزلها على صفحة مطبخ بيرو 

وقالت عبير عادل،  خلال لقائها مع الإعلامية مروة صبري في برنامج قعدة ستات المذاع عبر فضائية ألفا اليوم، قائلة: أنا بشتغل أي حاجة، أنا بحب المطبخ، بس مفيس الإمكانيات اللي تخليني أعمل مكان ، فى يوم نزلت اشتريت لحمة، وعملت صفحة اسمها مطبخ بيرو، وصورت الأكل ونزلته عليها، وفى بعض الأوقات كان بيحصل ظروف للدليفري فكنت بنزل بنفسي لتوصيل الطلبات، فممكن الناس اللي بوصلها الأكل تكون عارفاني، فقولها أنا بعمل حاجة عيب أو حرام.

عبير عادل: اشتغلت بتوصل الناس من خلال إحدي تطبيقات 

وأضافت عبير عادل، أنها اعتمدت على ذكائها عقب ابتعادها عن الفن، كمصدر دخل، قائلة : أنا بشتغل توصيل، والحمد لله ربنا رزقني بعربية، اشتغل بيها من خلال إحدي تطبيقات التوصيل، ولما بكون رايحة عند أختي مثلًا بقبل رحلات في الطريق وبوصل الناس.

عبير عادل: عندي موهبة فن الطهي فن القيادة

وتابعت عبير عادل، أنها ابتعدت عن فن التمثيل، ولكنها تعمل بأوجه أخري للفن، قائلة: أنا ست طبيعية جدًا، كل إنسان ربنا رزقه بحاجات يقدر يختار منها، وأنا ربنا رزقني بحب المطبخ، وصحابي بيقولوا إني نفسي حلو في الأكل، وأنا برضه روحت لحاجات فيها فن مثل فن الطهي، وفن القيادة.