أحمد آدم في ورطة.. وتامر عبدالمنعم يكشف حقيقة التصريحات المثيرة للجدل
دخل الفنان تامر عبدالمنعم، على خط أزمة النجم أحمد آدم مدافعًا عنه بعد الأقاويل التي انتشرت عنه مؤخرًا، والتي تزعم تعامله بأسلوب غير لائق مع زملائه من الوسط الفني، وكذلك التصريحات المنسوبة إليه بأنه يشكو من قلة الأعمال الفنية المعروضة عليه، وذلك خلال منشور عبر حسابه الشخصي بموقع التواصل الاجتماعي الأشهر “فيس بوك”.
تامر عبدالمنعم عن أحمد آدم: شوفت بعيني نجاحه وأسلوبه في التعامل مع الصغير قبل الكبير
وكتب تامر عبدالمنعم: “قرأت مؤخرا ما يكتب عن النجم أحمد آدم، والحقيقة استغربت جدا لأني واحد من المقربين جدا منه، وتشرفت بالشغل معاه لسنوات سواء في السينما أو في المسرح، وشوفت بعيني نجاحه وشفت بعيني أسلوبه في التعامل مع الصغير قبل الكبير، وأعرف مدى ثقافة أحمد آدم، وبُعد نظره وقراءته للأحداث وتوقعاته اللي على فكرة كلها تقريبا ثابت من 2011 لحد انهاردة”.
وأضاف: "أحمد آدم يا سادة لمن لا يعرفه كرامته عزيزة أوي واعتزازه وتصديقه في نفسه وموهبته مالهمش حدود، وعشان كده أنا على يقين أنه لا يمكن يصرح التصريح المتداول بتاع مش لاقي شغل، لكن صدقت على طول تصريحه بتاع أنا أحمد آدم برضه أنا شخصيا بقالي 3 سنين بتحايل عليه ينزل مسرح وهو رافض، سواء خاص أو عام أو في الخليج، أنا شخصيا عرضت عليه مرة واتنين أنتج له مسلسل وهو همه كله الورق".
وتابع: "النجوم الكبار أصحاب التاريخ عيب نسيء ليهم كده، ونفتري عليهم عشان نشوه صورتهم لمجرد أن كان ليهم مواقف إيجابية مع الدولة ومؤسساتها الوطنية، أحمد آدم مش هيحط عيل في دماغه سنة 2007، عشان قال إفيه باختصار أن اللي عاوز يطلع كارد آدم الكوميدي كان يقول قصاده إفيه.
وأردف: “وبعدين الباشا اللي يستدعي أنه دعا على آدم في 2007 وكان وقتها ممثل مغمور، يجي 2025 يشمت في آدم وهو بقي مؤلف مغمور برضه دي أكيد الدعوة ضربت في وشه”.
واختتم تامر منشوره بقوله: "صديقي وأخي الغالي أحمد آدم لا تلتفت للهيافات واستمر وياريت توافق نعمل مسرح بقي".
