إمام عاشور يتحدث عن مواجهة ميسي بكأس العالم للأندية

 أكد إمام عاشور، نجم النادي الأهلي، أن مواجهة ليونيل ميسي، نجم إنتر ميامي الأمريكي، تمثل شرفًا كبيرًا له ولزملائه في الفريق، مشددًا على أن الأهلي نادٍ صاحب قيمة وتاريخ لا يقل احترامًا عن أي نادٍ في العالم.

وفي تصريحات إعلامية، قال عاشور:
 "الناس ممكن تاخد كلامي تريقة، لكن مواجهة ميسي شرف كبير، هو أفضل لاعب في العالم، وده شيء معروف، بس كمان الأهلي نادٍ كبير، ومفيش حد في أفريقيا ميعرفش الأهلي".

 وأضاف: "كل مباراة ليها تحضيراتها، وإحنا هنحترمهم وهم كمان هيحترمونا، في النهاية، اللعب ضد الأفضل شرف لأي لاعب".

 وفي سياق آخر، تطرق إمام عاشور للحديث عن الجدل الذي أُثير حول احتفاله الشهير بـ"البالونة"، مؤكدًا أن الحركة لم تكن موجهة لأي طرف، بل كانت خاصة بابنته.

 وقال: "طلعت مرة واتنين وتلاتة وشرحت سبب احتفال البالونة، والله ما كانت نيتي أقلل من أي حد، دي حركة معمولة لبنتي، وكنت متصور معاها قبلها بنفس الطريقة".

 وتابع عاشور: "أنا مش فاضي أعمل حاجة علشان أضايق حد، واللي عاوز يفسر الاحتفال بطريقة تانية، هو حر، أنا واضح ومش محتاج أثبت حاجة لحد".