عفاف مصطفى تفجر مفاجأة حول اعتزال محمد سامي| هل وصل للعالمية؟
فجرت الفنانة عفاف مصطفى مفاجآة حول اعتزال المخرج محمد سامي، بعد أن أثار حالة من الجدل خلال الأيام القليلة الماضية وأعلن اعتزاله الإخراج الدرامي والأمر الذي تسبب في صدمة كبيرة للجمهور.
عفاف مصطفى: محمد سامي لم يعتزل الإخراج
كتبت عفاف مصطفى منشور عبر حسابها الرسمي على فيسبوك :" محمد سامي ماعتزلش . الإحباطات اللي قابلها دي موضوع تاني، هو وقع عقد لفيلم عالمي يستوجب منه التفرغ لشركة يونيفرسال العالمية ويعتبر أول مخرج مصري يستعان به للعالميه عقبال كل المخرجين يارب ياكريم".
محمد سامي يفاجئ الجمهور بقرار اعتزاله
أثار محمد سامي حالة من الجدل خلال الأيام القليلة الماضية، بقرار اعتزاله الدراما التلفزيونية إذ كتب عبر حسابه على فيسبوك قائلًا :"وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة".
وتابع محمد سامي كلامه :" دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله آخر عملين ليا إش إش وسيد الناس حققوا نجاح أنا سعيد بيه".
وأضاف :" كل يوم بلدي العظيمة مصر بتطلع صناع جداد موهوبين و مثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا".
وطلب محمد سامي من الجمهور الدعاء له قائلًا :" ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم و بشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة".
- محمد سامي
- المخرج محمد سامي
- اعتزال محمد سامي
- اعتزال محمد سامي الدراما
- اعتزال المخرج محمد سامي
- سبب اعتزال محمد سامي
- اسباب اعتزال محمد سامي
- اعمال محمد سامي
- بوست اعتزال محمد سامي
- منشور اعتزال محمد سامي
- ازمة محمد سامي
- أزمات محمد سامي
- عبد الفتاح السيسي
- قرارات الرئيس عبد الفتاح السيسي
- قرارات الرئيس والدراما المصرية
- الدراما المصرية
- مسلسلات محمد سامي
- السبب الحقيقي وراء اعتزال محمد سامي
- مسلسل سيد الناس
- عفاف مصطفى
- الفنانة عفاف مصطفى