محمد رجب: أحمد عز صاحب صحبه ومركز في شغله.. مش بيحب يجيب سيرة حد
أكد الفنان محمد رجب، أن أحمد عز صديق مقرب له وعاشوا مع بعض كل التجارب حتى الانطلاق في العمل الفني، قائلا: "أحمد عز حبيبي وعشنا مع بعض كل التجارب وهو كان بيسيب السياحة وأنا اسيب الشغل بتاعي ونشوف حظنا وكنت بروح له البيت كتير بعد ما خلصنا مذكرات مراهقة".
وأضاف محمد رجب، خلال حواره ببرنامج "أسرار"، مع الاعلامية اميرة بدر، المذاع على قناة النهار، أنه والنجم أحمد عز كان لهم لقاءات يومية، مضيفا: "كنا بنشوف بعض بشكل يومي في أعمال فنية وهو ملتزم وصاحب صحبه ومش بيحب يجيب سيرة حدا وفي حالة وبقلنا كتير متقبلناش لكن بيننا عشرة سنين كتير أوي".
كما وجه محمد رجب، رسالة إلى الناقد طارق الشناوي يطالبه بالتروي في الحكم عليه، قائلا: "عايز طارق الشناوي يهدى شويه عشان يبقى تقييمه سليم عشان لما يقول إني المفروض ابقى بطل ثاني هو ضد الواقع وإرادة ربنا، وأنا عامل 24 فيلم بطولة و8 مسلسلات بطولة والمفروض يتروى وأنا رديت على كلامه وكلامي كفيل بالإقناع".
محمد رجب : اشتغلت كومبارس في بداية مشواري واتجرحت بكلام من الناس
أكد الفنان محمد رجب، أنه عمل كومبارس في بداية مشواره الفني، قائلا: "اشتغلت كومبارس بمعنى أنى حاجة زي عمود واقف وفي الوقت ده كنت مهندس ديكور ومكنش في وسيلة لاختراق عالم الفن وكنت بخلص شغلي اقعد في مكتبي وآلاقي مجاميع الفن جايين وكنت ادخل وسط المجاميع وألبس لبس تاريخي واتجرحت بكلام من ناس".
وأضاف محمد رجب، خلال حواره ببرنامج "أسرار"، مع الاعلامية أميرة بدر، المذاع على قناة النهار، أنه قابل أشخاص جرحوه قبل تحقيقه شهرته في بداية مشواره الفني، قائلا: "قابلت ناس معدومة الانسانية بتتعامل بدون أدب وانسانية".
وكشف محمد رجب، عن موقف تعرض له في اول عمل فني يشترك فيه، قائلا: "في مرة كانت واخد دور صغير في فيلم عمر 2000 وأنا كنت في الوقت ده مهندس ديكور ومصروف عليا لكن وضعي في الفيلم لا شيء وواحد من الانتاج قالي كلمة جرحتني وتعامل معايا بلا شيء وقابلته بعد كده في فيلم كلاشينكوف وذكرته بنفسي".
محمد رجب لـ"أميرة بدر": يوسف شاهين قفلها في وشي ببداية مشواري وأعطى فرص لغير موهوبين
وأكد الفنان محمد رجب، تعرضه لإحباط كبير في بداية مشواره الفني وبعض المخرجين قفلوا الطريق في وجهه، قائلا: "يوسف شاهين من المخرجين اللي قفلوها في وشي وكان شايف أني لا أصلح خالص وساعتها كان عندي تحدي أني شايف نفسي اقدر اعمل حاجة ومع ذلك أصريت واللي عنده حلم ميركزش في كلام الناس".
وأضاف محمد رجب، خلال حواره ببرنامج "أسرار"، مع الاعلامية أميرة بدر، المذاع على قناة النهار، أن المخرج يوسف شاهين أعطى فرصة لممثلين ليس لديهم موهبة والواقع أثبت هذا الرأي على الأرض لأنهم لم يكملوا الطريق بعده، لافتا إلى أنه أصبح بطل مع المخرج يوسف شاهين لكن العمل لم يخرج للنور.
وأشار الفنان محمد رجب، إلى أن مرحلة عمله مع المخرجة ايناس الدغيدي كانت نقلة ثانية بالنسبة له، متابعا: "عشت سنين صعبة عليا وتحملت ما لا يتحمله أحد بدون ذكر اسماء، ومحدش بينجح إلا لما يكون منظم والهمجي مش هينجع وصعب الهمجية تكمل".