عفيفي يعلق على أزمة القمة: "معجب جدا بالناس اللي تقول انا أهلاوي"

علق المحلل الرياضي أحمد عفيفي على الأزمة المُثارة حاليا بشأن خوض الفريق الأول لكرة القدم بالنادي الأهلي، مواجهة القمة أمام الزمالك، ضمن منافسات الدوري المصري الممتاز لهذا الموسم 2024/2025.

كواليس الساعات الأخيرة داخل معسكر الأهلي قبل القمة

تعليق عفيفي على أزمة القمة أمام الزمالك

كتب أحمد عفيفي عبر حسابه الشخصي بموقع التواصل الاجتماعي “فيسبوك”: "معجب جدا بالناس اللي بتقول "انا اهلاوي لكن مش عاجبني التصعيد والبيان  … الخ"".

وتابع: “اظن الشخص ده صادق.. هو حاسس انه بيشجع نادي وراسم له تصور في خياله، والتصرفات الحالية لا تعبر عن تصوراته (المُتخيلة)”.

وأكمل: “لا يا عزيزي، تصوراتك هي اللي رومانسية، هو ده بالضبط النادي اللي انت بتشجعه، يمكن انت بتحب تتابع الملعب وبتعتبر كل اللي بره الملعب خناقات ملكش علاقة بيها، بس في كل مكان في العالم اللي بيحصل داخل الملعب هو انعكاس للي بيحصل خارجه”.

وأردف: “اللي بيحصل خارجه هو اننا هنعمل اي شي وهيتعمل لنا اي شي وهناخد كل شي وعندنا ناس كتير تصدق  اللي هنقوله وبما انهم كتير فمحدش هيغامر بمستقبله ويقف قدامهم، لأن في مصر لو عدد كافي من الناس ضدك مبيبقاش مهم انت صح ولا غلط، عدد كافي من الناس ضدك بتعني انك مشكلة ورحيلك هو الحل لتهدئة الناس،واللي هييجي بعدك ذكي وهيتعلم الدرس من غير معلم”.
وأتم: “هو ده النادي اللي انت بتشجعه، هكذا ولد وهكذا عاش والقوة دي هي اللي انعكست جوه الملعب وبالتالي انت عرفته وعجبك وشجعته ثم مع شوية مكسبات طعم (مباديء واخلاقيات) صدقته، واجه الحقيقي”.