شمس البارودي تعلن انتهاء عدتها.. وتؤكد: حسن يوسف كان أبويا مش جوزي
قالت الفنانة المعتزلة شمس البارودي، إنها ترفض الظهور في البرامج التلفزيونية كونها تحب الخصوصية، ولكن مداخلتها اليوم في برنامج "تفاصيل"، بسبب آخر مكالمة كانت للفنان الراحل حسن يوسف في ذلك البرنامج، موضحة أنه لم يكن زوجها فقط بل هو بمثابة ابنها وشقيقها ووالدها وعائلتها بأكملها.
شمس البارودي: حسن يوسف مكانش زوجي ده كان أبويا وعشت معاه اكتر ما عشت في بيت أهلي:
تابعت شمس البارودي، خلال مداخلة هاتفية في برنامج "إحنا لبعض" مع الإعلامية نهال طايل، قائلة: "حسن يوسف مكانش زوجي وبس هو أبويا وابني وعيلتي كلها، أنا عيشت معاه، الله يرحمه، أكتر ما عيشت في بيت أبويا وأمي، وكنا عيلنا مترابطة جدًا وكان بيحب عيلتي جدًا، وهو كان الابن السابع لأبوه وأمه، وأنا نفس الحكاية والسنين اللي عشناها كانت جميلة جدًا وبيطلعوا يصيفوا معانًا".
شمس البارودي: كنت بقول لحسن يوسف أنا هروح عند ربنا قبلك لأني مش هستحمل غيابك عني:
أشارت شمس البارودي إلى أن الراحل حسن يوسف كان يوصيها دائمًا بأن تحافظ على الأسرة وهو مرتبط بمنزله للغاية ويقضي وقتًا كثيرًا مع أبنائه، وكان يحزن في بعض الأوقات لو حاول أحد يتفرق عنهم، حيث طلب بألا يتركه أحد في أيامه الأخيرة، مردفة أن عدتها انقضت أمس الأحد بعد وفاته.
شمس البارودي: حسن يوسف كان بيرفض حد يسيبه في أيامه الأخيرة:
اختتمت شمس البارودي، حديثها قائلة :"بعد وفاة ابننا عبدالله مكانش حسن، الله يرحمه، عاوز حد يسيبه أو يفترق عنه.. ولما كنت بقعد معاه كان بيمسك أيدي ويضمها ويضغط عليها أوي وكان مش عاوز حد يمشي، لكني كنت بقوله أنا هروح عند ربنا قبلك لأني مش هستحمل أعيش من غيرك".
