أول تعليق لـ بدرية طلبة على غياب "محمد رمضان" من الأعمال الدرامية 2025
كشفت الفنانة بدرية طلبة خلال لقائها مع الإعلامية أميرة بدر في برنامج "أسرار" المذاع عبر قناة النهار عن رأيها في غياب الفنان محمد رمضان عن الموسم الرمضاني للأعمال الدرامية 2025.
وأوضحت أنها ترى أن غيابه سبب تأثيرًا كبيرًا في المارثون الرمضاني قائلة: "محمد ممثل ماحصلش وسايب فراغ في الدراما، مين بيقعد الناس قدام التليفزيون زي ماتش الكورة غير محمد رمضان؟"
وردا على سؤال الإعلامية"هل تحب أن تتعاون بدرية طلبة مع محمد رمضان في عمل فني؟"، قالت: "طبعا، شوفي محمد رمضان بجلالة قدره فين، أول ما أكتب له حاجة يرد قبل ما أشيل إيدي من الأبليكيشن، وأول ما يشوفني يشيلني زي العيل ويقوللي يا وش الخير، الناس هي اللي خلته يعاند".
زوجي مات مقهورًا
وكشفت بدرية خلال الحلقة عن كواليس وفاة زوجها وسبب وقاته قائلة:"«زوجي كان عايز يموت والسبب أنهم أخدوا منه المسرح وهنا أخدوا منه روحه والسبب كان فيه مشاكل المكان اللي مأجرين منهم المسرح وهما شايفين أن ده حقهم وهو شايف أنه مش حقهم وكانت مشاكل كبيرة لكنه راح وساب كل حاجة واللي عرفته مؤخرا أن الحاجة اللي جوة المسرح أخدوها وباعوها وهي ملكه وهناك قضايا مرفوعة ومحدش يعرف أنه أتقهر بسبب المسرح راح منه.
وتابعت: «هو قريب من بناته أكتر مني وحتي لو منفصلين لا تفكروا انني مش حنينه عليه أو ازعل عليه ده اللي بيموت عنده قطه بيزعل عليها، ايه الجبروت اللي عند الناس ده، وبعدين تجدي اسئلة هو انتي مش زعلانه، وسؤال تاني عن العدة، عدة، عدة ايه العدة في الشنطة انتو بتستعبطوا، هو انتوا عايزيني اقعد في بيتي، ده اللي بيلاقي حد قاعد في بيته مكتئب وزعلان بيقولوه انزل اخرج في النهاية انتوا مالكم اعمل اللي اعمله».
مسلسل "وتقابل حبيب"
وتشارك بدرية طلبة في مسلسل "وتقابل حبيب" الذي يعرض في رمضان، بطولة ياسمين عبدالعزيز، كريم فهمي، نيكول سابا، خالد سليم، صلاح عبدالله، تأليف عمرو محمود ياسين، وإنتاج تامر مرسي، وإخراج محمد الخبيري.
