بعد الفيديو المسيء لابنتها.. بسمة بوسيل تهدد بلوجر مصرية| هرفع على أشكالك قضية

شنت المطربة المغربية بسمة بوسيل، طليقة الفنان تامر حسني، هجومًا حادًا على إحدى صانعات المحتوى عبر موقع تبادل الصور والفيديوهات الأشهر “إنستجرام”، بسبب مقطع فيديو نشرته الأخيرة كشفت فيه بعض أراء الجمهور حول العلاقة بين بسمة بوسيل وتامر حسني وابنتها الكبرى .

وجاء ذلك بعد أن قامت تالية تامر حسني بنشر عدد من القصص على حسابها الرسمي بإنستجرام.

وقالت البلوجر في الفيديو:" بنت تامر حسني وبسمة بوسيل واخدة صف مين في خناقة تامر وبسمة ؟، تالية تامر حسني نشرت استوريز بعد تصريحات بسمة عن تامر ، أول استوري بتقول (المنزل أو الوطن حيث تكون أمي ) تاني استوري بتقول (حان الوقت للحرية والتخلي عن الأثقال وانها تستحق الفرح وانها تتحرر نحو السعادة والرفاهية )".
وتابعت :"في ناس شايفة أن بسمة بوسيل هي اللي ماسكة أكونت بنتها وبتكتب الحاجات دي".

لترد عليها بوسل بنشر مقطع الفيدو على حسابها الرسمي بموقع تبادل الصور والفيديوهات الأشهر انستجرام وأرفقت معه تعليق قائلة: "أنا هرفع عليكي قضية على القصص اللي بتخترعيها أنا ولادي عايشين معايا لوحدهم من 5 سنين أكيد بالنسبة لها أنا البيت وتحليلك إن شاء الله ينفعك في المحكمة"، كما أرفقت اسم محاميتها مع المنشور.

تعليق البلوجر المصرية على هجوم بسمة بوسيل:

 ردت صانعة المحتوى “مروة المتولي” على منشور بسمة بوسيل عبر خاصية القصص المصغرة بموقع تبادل الصور والفيديوهات الأشهر “إنستجرام”، قائلة: "أنا شوفت الإستوري من وقت ما نزلت عشان هي مشيراه من عندي فأكيد هيعملي منشن، أنا مقولتش حاجة غلط عليها، أو على حد من الأول، زي ما انتو شايفين أنا محايدة، والفيديو ده كلامهم ال شاركوه للناس والإعلام والسوشيال ميديا حتى مقولتش رأيي أنا قلت تعليقات الناس عليه، فالفيديو زي ما هو مفهوش غلط وهي قررت تعمل حاجة معنديش تعليق عليها".

 وتابعت: "أما بقى المصريات اللي داخلين فيا شمال انتوا عقلكم فين حولوا الموضوع فتنة بين بلدين وانتوا اغلبكم معاها وانا مقولتش حاجة ضدها وشايفين اننا ضدهم ودي مش حقيقة والموضوع فيه كمية لجان رهيبة وبتهدد وبنتشتم  كل المصريات والبلد وبيقال رقاصات وفينا البدع وانتوا مش فاهمين حاجة داخلين ال يتقال تنفذوه ابنوا رأي بما يرضي الله فين الغلط فيها ده ده نصا قالوا بندافع عن بعض ظالم او مظلوم انا مبقولش دافعي عن الظلم لا فتحي دماغك كده وحددي فين الغلط وفين يكون موقف بلاش تكونوا منساقين...".

 وأردفت في استوري أخرى قائلة: "كل دي ناس منساقة مش بتعرف تبني رأي!! اللي تقرأه تصدقه وملكش وجهة نظر وراي!! أولًا انا مغلطش، ثانيًا الطريقة بتاعتها والتحريض ال حصل ضدي بالتعليقات والرسايل والشتايم الكتيييير ال جتلي ليا ولشعبي ده ال يترفع عليه قضية ثالثا انا مدخلتش اطفال بالقصة البنت أصلًا بتعمل محتوى وصفحتها بابلك على كل السوشيال ميديا ومشهورة عليها وستوريهات تم تداولها عالسوشيال ميديا وأنا أصلًا متعاطفة مع مشاعر البنت وصعبان عليا الأجواء ال عايشها فين الغلط ده ولا حافظين وخلاص وكمااااان أنا محايدة وكانوا لسه بيشكروني على فيديو سابق عنها ولا لازم كله على مزاجهم وتطبيل".

 جدير بالذكر أن بسمة بوسيل كانت توعدت في وقت سابق باتخاذ إجراءات قانونية ضد أي شخص يتحدث عنها بالسوء، أو يروج أكاذيب، موجهة رسالة شديدة اللهجة لمهاجميها عبر حسابها في "إنستغرام"، قائلة: أي كائن هيجيب في سيرتي بشكل ما يجيش على مزاجي، ويضلل الناس ويقصقص في كلامي.. هتابعه قانونيًا.