محمد رمضان.. أبرز تصريحاته مع دينا غبور
محمد رمضان.. تصدر اسمه تريندات السوشيال ميديا خلال الساعات الماضية، بعد تصريحاته في بودكاست "خارج إطار الشخصية" لرائدة الأعمال دينا غبور، والمذاع عبر موقع يوتيوب.
أبرز تصريحات محمد رمضان خلال الحلقة:
- كنت ساكن في شارع فيه 10 بيوت، إحنا البيت المسلم الوحيد والشارع كله مسيحيون.
- أخويا في الرضاعة مسيحي واسمه روماني.
- جملة "ثقة في الله نجاح" نابعة من تربيتي البسيطة وتأثير والدي عليّ.
- أبويا وأمي ناس بسيطة جدًا، بس إدوني اللي أتمنى أدي لأولادي ربعه، القناعة والإحساس بالغير.
- عمري ما طلبت من أبويا حاجة مش في استطاعته يجيبها، وأمي كانت بتقول لي خليك واثق في ربنا، انت معاك أقوى واحد اللي خلق الدنيا، فزرعوا جوايا الكلمة اللي بقت في لساني.
- لبست ملابس غريبة وقت ما كنت بستهدف الجمهور الأفريقي، والاستايلست بتاعي من 2019 نيجيري، كنت عايز ألبس زيهم وأقرب منهم وما يحسوش بغربة.
- كان كل طموحي أثبت نفسي فنيًا، والله العظيم ولا عمري فكرت في الفن لأنه هيجيب لي فلوس كتير، ماديًا أنا راضي ومبسوط.
- الفلوس بتجيب سعادة أكتر بكتير، فكرة إنك تقدر تساعد حد محتاج، أو تنقذ شخصًا من مشكلة، دي حاجة بتديك إحساس بالنجاح، الفلوس اسمها مادة، والمادة دليل نجاح، وأنا مؤمن إن أي شيء مش بيتحول لمادة ما تعملوش.
- مش غرور ولا تكبر، أنا مابغنيش في أفراح، لو هاخد مليار دولار ماغنيش في فرح، لأن أنا شركة كبيرة، هروح أتعزم وأقعد في طاولة، ولو أغنيتي اشتغلت هقوم أرقص مع العريس والعروسة.
- ده وضع أنا حطيت نفسي فيه واتعاملت بناءً عليه، وحطيت خطة بناءً عليه، ودفعت ضرايب وعملت ماركتينج لمحمد رمضان.
