مش مضطرة تطلبي.. ياسمين عز للسيدات: خدي من فلوس جوزك دون استئذان
طالبت الإعلامية ياسمين عز، من الزوجات عدم الإلحاح على الأزواج أو المطالبة بأخذ أموال، لأنه من الطبيعي أن الرجل هو المسئول عن النفقة والالتزام بإعطاء المصروف للزوجة والأولاد.
متطلبيش من جوزك فلوس
ووجهت ياسمين عز خلال برنامج «كلام الناس» المذاع على قناة «MBC مصر» حديثها لـ السيدات، قائلة : «متطلبيش من جوزك فلوس لأنك مش مضطرة تطلبي أصلا، لأنه ملزم يديكي فلوس أنتي والأولاد فلوسه مش للناس بره».
وقالت ياسمين عز: «شوفي جوزك بيحط الفلوس فين وخدي منها، ولما يقولك فين فلوسي راحت فين، إنتي أخدتي من فلوسي يا شيماء، فتردي عليه وتقولي له لأ، بصوت شتوي كده ودلع، وانتي بتبرئي هيفتكر عندك حالة نفسية بسبب العيال هياخد بعضه وهيمشي».
تواصل الإعلامية ياسمين عز إثارة الجدل بهجومها على الرجال عكس ما كانت تفعله في بداياتها من انتقادها لتصرفات السيدات والإعلاء من شأن الرجال.
وفي أحدث “افتكاساتها” الجديدة ضمن فقرة الهجوم على الرجال، طالبت الرجال بمسح دموع السيدات بالأموال من فئة الـ 200 جنيه أول الـ 100 دولار.
وأضافت "عز" خلال برنامجها "كلام الناس" الذي يُعرض على قناة MBC MASR: "قومي أكلي جوزك قبل ما يأكلنا، هفتان وغلبان، فاضل يأكل دراعك".
كما وجهت رسالة إلى الأزواج قائلة: «لما مراتك حبيبتك تعيط ودموعها تنزل على خدها، ماتديهاش منديل، لغوا المنديل امسح لها دمعتها بـ200 جنيه أو 100 دولار… لو انت شغال عادي امسح الدمعة بفلوس مصري.. ولو شغال في شركة بترول يبقى بالدولار».
وأكملت «مش بيقولك دموعك غالية عندي خليه يدفع بقى. هي بتقبل الكاش أو الفيزا عادي… لو كل دمعة حسبناها بفلوس شوفي هتعملي كام في الشهر، وهو هيخليكي تبطلي عياط».
وتابعت: «قومي اعملي لجوزك شوية قراقيش وقرص من اللي بيوزعوها في الأربعين على الترب أو في القرافة.. أيهما أقرب».
وأثارت التصريحات السابقة حالة من الجدل والسخرية بين رواد شبكات التواصل الاجتماعي واصفين إياها بالغريبة وغير الموزونة.