مريم الجندي| سبب خوف ابنة محمود الجندي من الكشف عن هويتها الحقيقية

حرصت الفنانة مريم الجندي، على الكشف عن السبب وراء عدم الكشف انها ابنة الفنان الراحل محمود الجندي، مؤكدة انها تخوفت من الفشل وأن تسيئ لإسم والدها.

خوفت يكون دمي تقيل 

وقالت مريم الجندي خلال لقاء لها عبر شاشة تلفزيون قناة أون من مهرجان العلمين الجديدة مع الإعلامية شريهان أبوالحسن: «كنت عايزة اعرف الجمهور هيتقبلني ولا لا ما أنا ممكن أبقى دارسة جدا وشاطرة في الدراسة وميبقاش ليا قبول مع الجمهور وممكن ميحبونيش ويبقى دمي تقيل، ومكنتش عايزة دا يتربط بوالدي بأي شكل من الأشكال».

وتابعت: «لو أنا طلعت فاشلة مش عايزة دا يأثر على اسمه هو، وعايزة اثبت نفسي، أني تعبت واشتغلت زيي زي كل الناس ومكنتش عايزة استسهل ولو كنت قولت أني مريم محمود الجندي الطريق كان هيبقى أسهل في حاجات، ولما الناس عرفت أني بنته دا وترني جدا بس اتبسطت لما الاقي حد بيدعيله على حاجة أنا منزلاها».

كما كشفت الفنانة مريم الجندي، كواليس دورها في مسلسل الاختيار، مشيرة إلى أنها كانت خائفة ولكن "كانت فرصة ماينفعش أرفضها".

وذكرت خلال لقائها ببرنامج "من العلمين"، عرب قناة "ON"، مع الإعلامية شريهان أبو الحسن، أنه كان شرف لها المشاركة، مردفة:"فكرة إن دوري مرات إرهابي كانت تخوف، وحسيت إنه دور مهم يتعمل والناس تعرف الجانب دا".

وتابعت الفنانة مريم الجندي: "في حياتي كانت خطوة مهمة، وخاصة إني هقف قدام الفنان كريم عبد العزيز".