مها أحمد: الغضب مخسرنيش أحمد السقا وأمير كرارة

 كشفت الفنانة مها أحمد تفاصيل أزمتها مع النجمين أحمد السقا، أمير كرارة، وذلك خلال استضافتها في أحد البرامج الشهيرة.

 علقت الفنانة مها أحمد على أزمة غضبها من أحمد السقا وأمير كرارة أثناء عرض مسلسل “نسل الأغراب” قائلة: "الغضب مخسرنيش السقا وكرارة، ومقصدش ازعل أحمد وأمير، وساعتها مقللتش منهم، والسقا أخويا ولو شاف حاجة معجبتوش فيا بيقولي، لكني غلط إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا،  ولما لقيت الناس عاملة اكونتات فيك قلت لا أعمل اكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت إن في ناس في السوشيال بتكرهك أكتر ما بتحبك.

مها أحمد: مغلطش في السقا وكرارة عشان أعتذر لهما

 قالت مها أحمد، خلال استضافتها ببرنامج "أسرار" مع الإعلامية أميرة بدر، المذاع على قناة النهار: "كبريائي معملتش حاجة تستاهل إني اعتذر لكرارة والسقا، ومجدي عاتبني وقالي كنتي قلتيلي أو فضفضتي معايا الأول، وكان ممكن أشيل البوست اللي عملته لكن لقيت في توابع فيها تطاول، فقلت مش هشيله، كل الفنانين كانوا محايدين حتى النقابة، في فنانات ومذيعات مرتزقة كتبوا شكر للسقا وكرارة، على أساس إني بنت البطة السودة، واللي فرق معايا 3 أشخاص، واحدة قعدت تشكر في المسلسل وبعدها كلمتني، والتانية معروف إنها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟ وأنا معاتبش حد بالعكس هسيبه ع عماه".

 برنامج “أسرار” تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عددًا من نجوم الفن والرياضة والسياسة في مصر.