ليك في الكيك.. إعلان حمدي الوزير يثير جدلًا على مواقع التواصل الاجتماعي
بعد انتشار لوحات إعلانية كبيرة لإحدى شركات الحلوى في عدد من شوارع القاهرة الكبرى، احتوت صورة للفنان حمدي الوزير مأخوذة من أحد مشاهد فيلم "قبضة الهلالي"، مع عبارة تقول "ليك في الكيك"، ما أثار جدلًا على مواقع التواصل الاجتماعي، بين تعليقات تراها رمزًا للتحرش، وأخرى تعتبرها غير مناسبة للاستخدام لترويج المنتجات عُرض فيلم "قبضة الهلالي" في دور العرض السينمائي في عام 1991، وكان أبطاله ليلى علوي ويوسف منصور وجالا فهمي وشريف عبد المنعم ورغم مرور أكثر من ثلاثة عقود على عرض الفيلم إلا أن "غمزة" حمدي الوزير الشهيرة خلال العمل لازالت تحظى بالرواج بين مستخدمي مواقع التواصل الاجتماعي، ويجري تداولها باعتبارها إشارة للتحرش، وتستخدم منشورات ساخرة عن فكرة الإعلان.
حمدي الوزير يثير الجدل على مواقع التواصل الاجتماعي بعد إعلانه الأخير
على موقع إكس (تويتر سابقًا)، و(فيسبوك) انتقد مستخدمون صور الإعلان الجديد لحمدي الوزير، وكتب أحد المستخدمين: "في إعلان منتشر قوي دلوقتي على كوبري أكتوبر واعتقد بالتأكيد في أماكن أخرى، الإعلان غالبًا عن منتج كيك الإعلان جايب حمدي الوزير بحركته الشهيرة اللي بيوصلها الإعلان ببساطة هي سؤال بيقول ليك في الكيك، طبعًا اختيار حمدي الوزير وطريقة السؤال عبارة عن إيحاء جنسي واضح، الحقيقة مش قادر أفهم ايه المبرر أن شركة كيك تقرر أن رسالتها وحملتها الإعلانية تبقى عبارة عن إيحاء جنسي؟
يعني ايه علاقة الكيكة مثلا و تأثيرها علي حاجة زي دي؟
ما تبطلوا يا جماعة تشغلوا ناس في غير مجالها، الشباب اللي فاكرة ان الماركتنج فكرة مطرقعة وكووول وإننا نعمل بلبلة والناس تتكلم علينا يبقي احنا كدة اووووه نجحنا وحققنا المطلوب ما احنا يا بني فعلًا بنتكلم عليك بس بنسخر منك وبنهاجمك وبنقول كلام سلبي عليك وعلي منتجك اللي ممكن يلزق في مخ الناس فعلا بي بصورة سلبية تأثر عليه دلوقتي وبعدين ما تبطلوا روشنة بقي، ثم فعلا ايه موضوع الكيكة اللي بتاثر علي حاجة زي كدة ؟ هو انتوا حاشيين الكيكة فياجرا ".
فيما كتب مستخدم آخر "اللي عمل إعلان ليك في الكيك مع صورة حمدي الوزير قاصد يشغل الناس ويعمل حالة من البروباجندا للمنتج عايز أقوله الناس المحترمة كرهت الفنكوش قبل ما ينزل".
وتساءل مستخدم آخر "ايه معنى سؤال ليك في الكيك؟
هل فيه حد له في الكيك وحد ملوش؟
ايه علاقة رمز التحرش الجنسي بالكيك؟
ومين اللي بيسمح بالحاجات دي ؟".
