اعتياد الطفل على الخطأ يعكس فشل الأم فى الإقناع.. فيديو

حذرت الدكتورة إيمان الريس، استشارى نفسى وتربية الأبناء، من الأساليب الخاطئة فى تربية الأطفال، خاصة فيما يتعلق بإهانة الأبن أو الابنة أثناء التقويم، سواء بالقول أو الفعل كمثل الشتم أو الضرب، ما يتسبب فى شخص معدوم الشخصية وعديم الكرامة وعزة النفس.

وتابعت استشارى نفسى وتربية الأبناء، خلال لقاء لها بـ برنامج البيت، المذاع على فضائية الناس، اليوم الاثنين: “اوعى تضربى ابنك أو تهزقيه، أو تشتميه، وقفى كده فورا لازم تشجعى ابنك على إنه يكون عنده ثقة فى نفسه، الجيل ده لازم تصاحبه يخاف على زعلك وعلى حبك، ويحس إنه قلقان لو الاهتمام قل به".

اعتياد الطفل على الخطأ ناتج فشل الأم فى الإقناع

وتابعت: " لازم عشان يكون واثق من نفسه جدا لازم افتح حوار معاه واخليه يثق فى، وبلاش العقاب العنيف أو الكذب أمامه للخروج أو الهروب من المواقف الاجتماعية، لازم نفهمه مثلا بنقول للناس ليه الحمد لله إحنا كويسين وعندنا حاجات حلوة فى البيت، وهو مفيش، لازم نفهمه إحنا بنقول كده ليه".

ولفتت إيمان الريس،  استشارى نفسى وتربية الأبناء، إلى أنه لو كرر الابن الخطأ أكثر من مرة تكن المشكلة فى الأم نفسها، فهى لم تستطيع إيصال المعلومة له بشكل صحيح، لافتة إلى أن هناك أخطاء كبيرة يرتكبها الأباء والأمهات أثناء التربية منها اعتياد الطفل على العقاب الكثير والإهانة.

تكرار العقاب أكثر من مرة خطأ جسيم 

 وأكملت الريس، استشارى نفسى وتربية الأبناء، خلال مداخلة حلقة برنامج البيت المذاع على فضائية الناس، اليوم الاثنين: “ابنك ميغلطش الغلط أكثر من مرة، لو حصل هيبقى الأم فشلت فى توصيل المعلومة، وعدم إقناعه”.

وواصلت موجهة حديثها للمذيعة، قائلة: “شوفى بقى فى أمهات وأباء يقوموا بعقاب الطفل على خطأ حصل فى المدرسة يبقى الولد اتعاقب فى المدرسة والبيت ومن ماما ومن بابا، وحرمناه فى النادى والموبايل، وكل حاجة”، مردفة: "طبعا ده كده سجن للطفل، لأ الصح ابنى غلط فى المدرسة يتعاقب فى المدرسة، أما فى البيت نوجهه، ونعلمه يعمل إيه".

شاهد فيديو القناة..