رضوي الشربيني تفكر في ارتداء الحجاب.. هل تتخذ الخطوة

أثارت تصريحات رضوي الشربيني حالة من الجدل خلال لقائها لبرنامج "أنا والقناع" المذاع على قناة "الحياة" مع الإعلامية منى عبد الوهاب، وعلقت على تريند "الست غير ملزمة"، موضحة : "أنا كزوجة لو مش مفروض عليا شيء أو مش مطلوب مني لازم أعمله بطيب خاطر".

 

اقرأ أيضًا: 

رضوي الشربيني تكشف عن مواصفات زوجها المستقبلي وعلاقتها بأبو بناتها

رضوي الشربيني تفكر في ارتداء الحجاب 

كشفت الإعلامية رضوي الشربيني بأنها تفكر في ارتداء الحجاب قائلة :" لو أنا اتحجبت النهاردة وعاوزة أنزل أدخل نادي، ليه بني آدم زييي زيه يمنعني من دخول نادي عشان أنا راضية ربني".

 

وردت على سؤال الإعلامية منى عبد الوهاب، هل الحجاب في خطط رضوى الشربيني؟، قائلة: "أه إن شاء الله، يا رب". 

رضوي الشربيني ومواصفات رجل أحلامها

أوضحت الإعلامية رضوي الشربيني الصفات التي تريدها في زوجها المستقبلي في حال أقدمت  على خطوة الزواج مرة أخرى، قائلة :" عايزة الراجل يكون قادر علشان أنا ست قادرة، وعلشان العفو عند المقدرة، وكل ما هيكون راجل قادر كل ما مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على

عيوبي". 

 

وتابعت حديثها :" يكون راجل قوي ويقويني ويبقى ضهري وسندي، ويتكلم معايا في البرنامج والحياة، ويستعمل قوته معايا مش عليا، ولو قرر إنه مش عايز رضوى الشربيني مش هيعمل حاجة تجرح رضوى الشربيني غير إنه هيتواجه معاها ويقول أنا آسف مش قادر أكمل". 

 

وأضافت ": لازم يكون ناجح ومقدرش أتجوز راجل مش ناجح ولا أنا أنجح منه، ولازم يكون عنده طموح ويتقي ربنا في معاملة البني آدمين وأنا مش أولهم، والدته ووالده، ولازم يكون بيحبني أوي ويهتم بيا أوي ويعرف يتعامل معايا لأني صعبة أوي، ويكون حنين وطيب ودمه خفيف ومقدرش أتجوز راجل دمه مش خفيف أبدًا، ولازم يبقى شيك في نفسه وخفيف كده، وخير اللهم اجعله خير صحيت من النوم".