رضوى الشربيني تتمنى زوج به 20 صفة.. هل أنت منهم؟

 رضوى الشربيني تصدرت محركات البحث العالمية بسبب مواصفات زوجها المستقبلي والتي تتمنى أن تقابله يومًا ما وذلك خلال استضافتها ببرنامج "أنا والقناع" مع الإعلامية منى عبدالوهاب، وتضمن حديثها عن زوجها المستقبلي أكثر من 20 صفة. 

 

اقرأ أيضًا.... رضوى الشربيني تكشف قصة حب حقيقي عاشتها بعد انفصالها

 

رضوى الشربيني وصفة زوجها المستقبلي قائلة: "لازم يكون راجل قادر والقدرة هنا بمعنى أنه يكون قادر على العفو عند المقدرة عشان مبيصش على أخطائي ولا صغائر الأمور اللي أنا بعملها وهيكبر دماغه ومش هيتلككلي ومش هيبص على عيوبي".

 

 

وأضافت الإعلامية رضوى الشربيني عن زوجها المستقبلي قائلة "لازم يكون قوي ويشاركني كل أموري ويكون سند وقوته دي تكون معايا مش عليا ولما يقرر أنه مش عاوز رضوى الشربيني

مبعملش أي حاجة غير أنه هيجبني ويقولي في وشي أنا آسف مش قادر أكمل".

 

وأكلمت وصفها قائلة "لازم يكون ناجح مقدرش اتجوز راجل مش ناجح ولا أنا أكون أنجح منه، ويكون عنده طموح ويتقي ربنا في البني آدمين ومكونش أنا أولهم لكن مامته وباباه، ولازم يكون بيحبني قوي وبيهتم بيا قوي ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش أتجوز راجل دمه تقيل أبداً، ويكون شيك وخفيف في نفسه".