سندوتش طوب من طلبات.. والشركة ترد: حالات فردية والأسعار لم تتغير (فيديو)

 هل تخيلت يومًا أن تطلب وجبة من أحد المطاعم وتفاجئت بقالب طوب بدلًا من الساندوتش، حدث بالفعل مع شركة طلبات وأحد مطاعم الدجاج الشهيرة.

"طلبات" تفرض 5% رسومًا جديدة.. والمقاطعة ضرورية والشركة ترد

ساندوتش طوب من طلبات

نشرت مجموعة قوة السوشيال ميديا  The Power of Social Media - Consumer’s Experience، صور غريبة لمواطنة تشكو من استبدال طلبها بقالب من الطوب، وقالت: "طلبت أوردر من المطعم عن طريق أبليكيشن طلبات وللأسف الأوردر وصلني بدل السندويتش إللى طلبته طوبة ملفوفة فى ورقة السندويتش، بصراحة الواحد مذهول ومفيش تعليق يتقال غير إن مبقاش فى ضمير ولا أدمية". 

أسعار طلبات نار

كما انتقدت شكوى أخرى فرض طلبات نسبة 5% مصاريف على الطلبات وهي تسمى service fees، قائلة: "هو مش Talabat أبليكيشن زي أي أبليكيشن توصيل بتجيبلي منتج من مكان محدد وبتاخد مقابل اللي هو التوصيل؟ أيه الحاجة الغريبة اللي بقالها فترة بيتبعوها وهي مصاريف خدمة ٥% من الأوردر المطلوب، خدمة لإيه، service fees دي ادفعها في المطعم لما يكون في ويتر بينزللي الأكل ومشكورًا بينضف مكاني بعد ما نخلص أكل ويشوف طلباتنا وإحنا قاعدين وهكذا إنما انتم بالفعل بتاخدوا مقابل شغلكم وهو التوصيل ده غير إن اسعاركم في أماكن كتير بقت أغلى من المطعم نفسه".

أضافت: "مثال بسيط كنت بطلب من مطعم لقيت التوصيل بالخدمة هدفع 30 جنيه في طلبات ولو طلبت من المطعم نفسه هدفع 20 غير إن أصلا المطعم كان عامل التوصيل مجاني إيه

طلبات: تغيير طريقة الدفع

قالت هدير شلبي، المدير التنفيذي لشركة طلبات مصر، إن الشركة لم تغير أسعار خدمة التوصيل ولكن تم تغيير طريقة الدفع، لأنه كان نفس المبلغ على جميع الطلبات.

أضافت في تصريحات خاصة لـ "بوابة الوفد" على هامش توقيع عقد شراكة بين طلبات وكوكاكولا لدعم المطاعم المحلية: "حبينا نساعد العملاء اللي بيطلبوا طلبات قليلة على حسب كمية الأوردر".

وعن الشكاوى من سوء الوجبات، أوضحت المدير التنفيذي لشركة طلبات مصر، أن هذه الشكاوى فردية ويتم إيقاف التعامل مع المطاعم على الفور لحين المراجعة وعدم تكرار المشكلة مرة أخرى.

أشارت المدير التنفيذي لشركة طلبات مصر إلى مراجعة الأسعار بشكل دائم، مؤكدة حرص طلبات على أن تكون أسعار المطاعم والمنتجات مثل التطبيق.