"فكوا العمل".. فيديو عقد قران شيرين عبدالوهاب وحسام حبيب

 احتفلت النجمة شيرين عبدالوهاب بعقد قرانها على الفنان حسام حبيب، وذلك مساء أول من أمس الخميس، حسبما أعلنت خلال مداخلة هاتفية في أحد البرامج الشهيرة.

 

اقرأ أيضًا.. إعلامية شهيرة تدعو لمقاطعة شيرين عبدالوهاب عقب عودتها لحسام حبيب.. "لا ندعم مدمنين"

 

ونشر الحساب الرسمي لبرنامج Et بالعربي، مقطع فيديو من عقد قران الثنائي شيرين عبدالوهاب وحسام حبيب.

 

شاهد فيديو زواج شيرين وحسام حبيب 

 وكشفت شيرين عبدالوهاب، خلال مداخلة هاتفية في برنامج "الحكاية"، مع عمرو أديب، العديد من الأسرار الشخصية، إضافة إلى مفاجأة زواجها من حسام حبيب للمرة الثانية.

 

 

 قالت "شيرين": "أنا الحقيقة لازم أبقى لطيفة في المكالمة النهارده، أنا زي البومب في حد بيحبه ناس كتير كده وشعوب تقوم وتقعد وفاكرني، أنا سعيدة بيكم وبتدفى بيكم".

 

 

وأضافت شيرين عبدالوهاب، قائلة: "أنا كويسة لسه بخضع لعلاجي النفسي اللي بخضعله من ساعة ما خلفت مريم وهنا، أنا باين على صوتي إني مش محتاجة حاجة".

 

ووجهت الشكر لجمهورها، قائلة: "أنا ممتنة جدًا للناس عاوزة أقولهم انتم تعبتوا فيا وأنا عمري ما هخذلكم أبدًا، بشكر اللي قال كلمة حلوة واللي قال كلمة وحشة لأنه ممكن يكون مضايق علشاني ".

 

شيرين عبدالوهاب: اتاخدت على خوانة وقضيت أصعب أيام حياتي داخل المستشفى

 

 وروت تفاصيل احتجازها داخل مستشفى علاج الإدمان، قائلة: "قضيت أيامًا صعبة علشان اتاخدت على خوانة، أنا لما صحيت تاني يوم في المستشفى قولت لنفسي أنا قاعدة في مكان امين وباكل أحسن اكل وبنام أحسن نومة، وقلت ليه مستغلش ده في اني أبقى أفضل، والناس كانوا مدلعني وبقيت أحسن".

 

وشكرت شقيقها محمد عبدالوهاب لأنه عرفها على المستشفى "علشان علموني أنام بدري وبصحى بدري"، كما شكرت الصحافة والصحفيين وقالت: "من خلال برنامجك هشكر صحافة بلدي وبشكر صحافة الوطن العربي كله".

 

شيرين عبدالوهاب تعفو عن شقيقها.. "هتنازل عن القضايا"

 

 وكشفت شيرين عبدالوهاب في المداخلة الهاتفية أنها سامحت شقيقها وأوضحت "هتنازل عن اي قضية ضد اخويا، علشان انا بسامح كل الناس وبخف كده، انا مش هرضى أن أمي ترضى تنام معيطة على مخدتها بسبب أن ابنها وامها على خلاف".

 

شيرين عبدالوهاب تعلن زواجها وتعتذر لحسام حبيب على الهواء

 

 فجرت شيرين عبدالوهاب مفاجأة، خلال مداخلتها الهاتفية، قائلة:" أنا كتبت كتابي على حسام حبيب أمبارح الساعة ٩ بليل، بحضور المقربين".

 

كما اعتذرت شيرين عبدالوهاب لحسام حبيب قائلة: "بعتذر لحسام،

وإن كنت طلعت في يوم اتكلمت عنه احنا كان معمولنا حاجة كبيرة أوووي"، وعما إن كانت تقصد بذلك سحرًا أجابت: "أنا مقدرش اتكلم في الكلام ده، بس الحاجات دي مذكورة في القرآن، انا شيرين وغلطانة اني اتكلمت في العلن".

 

 وأضافت: "سيدنا محمد الناس اختلفت عليه وهو طبعًا هي، البشر في الدنيا والآخرة، قصتي كانت على المشاع بيني وبين عمرو".

 

شيرين عبدالوهاب: هقفل الصفحة دي خالص وحسام حب حياتي.

وتابعت: "انا معرفش احب بسهولة وأكره بسهولة، ده حب حياتي، انا لسه بحبه، واقول للناس انا في أمان علشان انا وسطكم، حسام حبيب طيب جدا وهما ناس طيبين جدًا، وانا بوعد الناس كفاية أمور شخصية، وبوعدهم إني هقفل الصفحة دي خالص، وهغني احلى غنا".

 

وأشارت إلى أن حسام حبيب هو من أقنعها بالزواج مرة أخرى، قائلة: "والله القرار اتاخد علشان عارف الضغوطات، مضيفة:" ده احنا هننزل دلوقت نروح ناكل في احسن أماكن في الدنيا، انا مستاهلش أعيش غير في النور".

 

حسام حبيب عقب عودته لشيرين عبدالوهاب.. "حياتنا بتاعتنا احنا وبس"

 

 وكان لحسام حبيب أيضاً أن مداخلة في المكالمة الهاتفية، حيث رد على كل من أخذ موقفاً منه، وقال: "احنا زى اي اتنين في الدنيا وخناقتنا كلها هبلة وعبيطة، احنا بساط جدا وزى اى اتنين في الدنيا، احنا حطينا قواعد أن حياتنا تبقى مقفولة علينا، كل واحد فينا هيشرف التاني".

 

 

وأضاف حسام حبيب:" وحياتنا بتاعتنا احنا بس، الناس اللي واخدة موقف مني اقولكم انا عاذركم علشان انا كمان بحبها زيكم".