"نازل بدون حراسة" .. محمد رمضان يهاجم محافظ سابق لهذا السبب
هاجم الفنان محمد رمضان، محافظ الشرقية السابق، بعد الحملة التي أقيمت ضده بسبب حفله بمدينة الإسكندرية، والتي رفعت شعار "وجودك غير مرحب به".
اقرأ أيضاً .. دوشة محمد رمضان "نمبر وان" على يوتيوب
وظهر "رمضان" خلال مقطع فيديو عبر حسابه الرسمي بموقع الصور والفيديوهات الشهير "إنستجرام"، يهاجم محافظ الشرقية السابق، ويتهمه بأنه داعمًا لتلك الحملة التي أقيمت ضده، قائلاً: "حلو اوي يا سيادة المحافظ انا اتقالي اسكندرية لا ترحب بيك يا محمد رمضان ".
وأضاف محمد رمضان خلال الفيديو:" أنا هقوم البس دلوقتي أنزل اسكندرية وربنا يقدرني وأدخل جوه كل منطقة في إسكندرية النهاردة واتأكد بنفسي ".
وتابع "رمضان"، قائلاً:" هل سيادتك لما الشعب بيطلب حاجة هتعمل زيي انهاردة وتنزل الشارع وتسأل الغلابة وتقولهم أنتم فعلا زعلانين من ده ولا لأ ".
وانهى محمد رمضان حديثه قائلاً:" أنا سمعت أنك بتدعم ده؛ أنا نازل اسكندرية دلوقتي على رجلي من غير بني آدم حراسة ".
انتشرت خلال الأيام الماضية، لافتة عبر مواقع التواصل الإجتماعي المختلفة، تحمل شعار "غير مرحب بك في الإسكندرية"، وذلك بعد إعلان محمد رمضان عن إقامة حفلاً غنائيًا بها .
وتجاهل "رمضان" تلك الحملة، مروجاً لحفله القادم بالإسكندرية، حيث نشر البوستر الترويجي لحفله الغنائي الاستعراضي عبر خاصية "الإستوري" على حسابه الرسمي بموقع الصور والفيديوهات الشهير "إنستجرام".
وطرح محمد رمضان مؤخرًا فيديو كليب "دوشة" كلمات وألحان فريق "الباور العالي".
وتقول كلمات الأغنية:" صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة
دو دو دو دو دوشة
طلبت معايا اني اعمل دوشة
دو دو دو دو دوشة
طلبت معايا اني اعمل دوشة
راكنها بعيد اصلي شوية
حاسس بخيال وبمرازية
ودماغي مش فايقة الليلة دية
عايزك تنساني وتلاشاني
مثبوت في بطاقتي انا عنواني
مش حمل انتوا الوش التاني
تلاشاني عشان انا كده هعمل دوشة
دو دو دو دو دوشة
تلاشاني عشان انا كده هعمل دوشة
دو دو دو دو دوشة
تلاشاني عشان انا كده هعمل دوشة
بقصف الجبهه وبقولك تروق
امك بتصرف عشان الـ View
مجرد ما تفكر بكون جبت جول
استنى معايا تليفون
الو
قفشت الفيراري وخمست في عطارد
افكاري بتنحت في دماغه ف فارت
وطول مانا ثابت انا هعمل دوشة
دو دو دو دو دوشة
وطول مانا ثابت انا هعمل دوشة
دو دو دو دو دوشة
تليفوني بيرن عندي حفلة
وميعاد طيارتي جه على غفلة
عيني مش مفتوحه كانت قافلة
وبدأت اسقط في الطافيه
مسطول وقفني هات سيجارة
ماترد تقولي ايه العبارة
رجالتي بتستني اشارة
ساعة التنفيذ نعمل دوشة
دو دو دو دو دوشة
ساعة التنفيذ نعمل دوشة
دو دو دو دو دوشة ".
وطرح رمضان مؤخرا أغنية "متغاظين" عبر قناته على "يوتيوب"، بينما حققت أغنية "تنطيط" نجاحا جماهيريا كبيرا، وتخطت حاجز ال 25 مليون مشاهدة منذ طرحها في 23 يونيو الماضي.
يذكر أن، محمد رمضان طرح في وقت سابق قبلهما، أغنية "بلالين" عبر قناته الرسمية على "يوتيوب"، وحققت نجاحا كبيرا عقب طرحها.