نهى العمروسي تكشف طريقة تجاوز أزمة قضية الفيرمونت

تجاوزت الفنانة نهى العمروسي، قضية ابنتها الشهيرة، المعروفة إعلاميًا بقضية "الفيرمونت"،  موضحة في تصريحات تليفزيونية كيف خرجت وابنتها من الأزمة.

 

اقرأ أيضًا:

توزيع جوائز منحة إنتاج الأفلام القصيرة بمهرجان أسوان الدولي.. صور

 

وقالت العمروسي، ما إذا كانت ترغب ابنتها في دخول مجال الفن والتمثيل، قائلة: نازلي شخصية مستقلة، وأنا اتربيت على الحرية وأني أختار المهنة اللي أنا عاوزاها، وربيت بنتي كده وهي مش عاوزة تقرب من الوسط نهائي.

 

وتحدثت عن كيفية خروجهما من الأزمة في القضية الشهيرة، قائلة: بمساعدة ربنا وقوته، ربنا اللي بيعطي القوة، وهي ربنا يكون في عونها كانت في أزمة من قبل أزمة القضية، واستحملت كتير، لكن الحمد لله إحنا أقوياء وعندنا قوة وقدرات ما نعرفهاش، ولجأنا لربنا سبحانه وتعالى لأنه بيديكي القوة والنور والحكمة.

 

وتابعت:"غلطت في تربية بنتي ومنها غلطات كبيرة ما كنتش قصداها، بالإضافة إلى أن الطريقة اللي قلت بيها إزاي باباها مات كانت غلط، وأنا مش ندمانة لكني بواجه نفسي وأشوف لو

ظلمت أراجع نفسي وأعتذر وأطلب السماح".

 

وأضافت نهى العمروسي:"بلغتها بوفاة والدها بطريقة عبيطة أو بطريقة الأم اللي معندهاش خبرة، وما كنتش قلت لها في الأول وبعدها بكام شهر كانت عندها أربع سنين، وكانت بتدور تحت الكنب على والدها فقلت لها طلع السما، قعدت تضحك ضحك السنين".

 

وأردفت:"ده مش طبيعي أكيد مش مؤشر صح، فكان لازم أستشير دكتور نفساني لكن ما عملتش كده ومش عاوزة اقول لا مبالاة علشان ما أكونش بقسى على نفسي، لكن عرفت بعدها أن موته أثر فيها جامد وكانت بتدور عليه في كل حتة وقالت لي وهي عندها 9 سنين مش مصدقة أنه مات".