"مش عارفة أعبر"| أول تعليق من رحمة أحمد بطلة الكبير أوي 6
حققت الفنانة الصاعدة رحمة أحمد، نجاحا كبيرا على السوشيال ميديا، في الساعات القليلة الماضية، وهذا خلال شخصية "مربوحه" التي تجسدها في مسلسل الكبير أوي 6، إذ استطاعت بظهورها اللافت وموهبتها الكوميدية الهائلة التي ظهرت إلى النور خلال أحداث الحلقة الرابعة والخامسة، أن تتربع في قلوب الجمهور، والذي أكد أن لها مستقبل واعد.
اقرأ أيضا.. مربوحة تُعيد موضة ماجدة زكي بعد مرور أكثر من 20 عاما (اعرف القصة)
أول تعليق من "مربوحه" رحمة أحمد على إشادات الجمهور
أعربت رحمة أحمد، عن سعادتها بردود أفعال الجمهور، إذ كتبت عبر حسابها الشخصي على موقع التواصل الاجتماعي "فيسبوك":" أنا مش عارفة أعبر عن إحساسي بالامتنان".
وأضافت "رحمة" الحمدلله والشكر لله أي حاجة حلوة حصلت أو اتقالتلي ده كرم كبير أوي من ربنا يمكن أكبر من اللي أستحقه، كما نوهت لثلاث نقاط وهم:
الأولي: "هفضل أقول البوقين دول كل ما حد يشاور النقطة دي إن فنانة مثل دنيا سمير غانم لا تقارن بحد، أنا مش حد خالص، مضيفة : "أنا من فانز دنيا سمير غانم، لأن لو اتحطينا في مقارنة من المؤكد إني أنا اللي هبقى خسرانة".
وتابعت رحمة أحمد: "بعد توفيق ربنا، إن فنان مثل أحمد مكي يدي مساحة لحد يقول حاجة مبتحصلش من أي فنان موجود عالساحة".
وأشارت: "الراجل ده عنده اللي يكفيه وزيادة أنه يسيب فنان قدامه يقول وهو سايب أيده، مهما اتكلمت عنه مش هوفي حقه فنيا ولا إنسانيا".
واستكملت: "المبدع أحمد الجندي ميتخيرش عنه، يسيبك تقول ويعليك، ويركبلك شغل، وذكي يعرف يطلع ضحك من أي شخصية ويحطها في مكانها الصح".
وأضافت: "أخويا الكبير الداعم المستمر بكل الطرق، صادق في فرحته، أنا مهما حكيت على اللي عملته معايا عشان أوصل إني أكون في عمل من أهم الأعمال في رمضان مش هكفي فيك كلام، شكراً أحمد أمين الأخ والفنان والإنسان أنك دايما جنبي".
واختتمت رحمة أحمد، شكراً إلى أي حد دعمني حتي لو بكلمة كويسة وبالأخص صلاح الدالي، فنان هياخد حقه كويس جدا ويستاهل أكتر بحبك يا صلوحة، مضيفة شكراً لأي حد وقف جنبي واللي أداني ضهره وربنا لاوريك".
لمزيد من أخبار فن الوفد اضغط هنــا