عمرو سعد: الشعب الروسي يشيد بمصر بعد مشاهدتهم حفل موكب المومياوات

كشف الفنان عمرو سعد، انطباع الشعب الروسى عن مصر وخاصة بعد مشاهدة حفل نقل المومياوات، وذلك عبر حسابه الرسمي على موقع التواصل الإجتماعي "فيسبوك".

 

اقرأ ايضاً .. أغنية"تعالي أدلعك" لـ بهاء سلطان الأعلى مشاهدة في ألبوم "سيجارة"

 

ونشر صورة تجمعه بالمنتج محمد السعدي، وعلق قائلا : وأنا حاليا في موسكو عندي تصوير واحد من الروس اللي شغالين معايا قاللي ان اولاده واصدقاءهم سافرو مصر لما شافوا جزء من احتفالية نقل المومياوات الملكية، وقعد يحكي قد ايه حصل ليهم سحر وانبهار بمصر لقيت نفسي طلعت الموبايل وفتحت ملف صور خاص عندي عن مصر فيه ٩٠ صورة جميلة، لقيت الراجل مذهول وقال مصر بلد كبير وعظيم.

 

 

وأضاف:" انا بقي جه علي بالي الراجل الرائع المخلص محمد السعدي، واللي بيقدم اجمل وابهي صورة عن مصر، واللي قدر يحقق اللي ملاييين من الشباب بيحلموا بيه وهو ان الناس بره مصر تعرف مصر الحلوة وتحس بقيمة وعظمة الناس والارض والمكان علشان تاخد المكانه اللي تستحقها".

 

وتابع:" انا شوفت محمد السعدي قد ايه

بيشتغل هو وكل التيم بتاعة بجهد رهيب وشياكة، علشان مصر مش صحراء وهرم وجمل وعشوائيات، مصر حضارة وتاريخ وشياكة وكرم وتنوع وشمس ومناخ وناس طيبين بيعشقوا الغريب، مصر مكان ومكانه وكرامه، تراث مافيش زيه في العالم وحاضر بيتطور بدراع الناس الجدعان الوطنيين والمخلصين  شكرا محمد السعدي

 

يشار إلى عمر سعد انتهى من تصوير مسلسل "الجسر" مع النجمة نيللى كريم، ومكون من 6 حلقات، وهو من تأليف وإخراج بيتر ميمى، ويشارك فى بطولته كل من محمد علاء وخالد كمال وسارة الشامى ، جمايكا، عصام عمر، وتدور أحداث العمل فى إطار الفانتازيا، حول ما وصل إليه البشر بعد انتهاء الحياة على كوكب الأرض.