فيديو..شريفة ماهر: أولادي ضربوني وخدوا كل اللي حيلتي

كشفت  الفنانة شريفة ماهر،  تفاصيل خلافها مع ابنائها، قائلة: "«وزعت جزء كبير من ميراثي ، شريف وطارق شتموني، شريف زقني مرتين ودراعي اتكسر من 4 سنين، ولادي أخدوا كل اللي حيلتي، وشريف قالي هقلعك هدومك».

اقرأ أيضا

حفيد رشوان توفيق يكشف أسباب خلافاته مع جده (القصة الكاملة)

وتطرقت شريفة ماهر، خلال حوارها مع الإعلامية بسمة وهبة مقدمة برنامج «90 دقيقة» على قناة «المحور»، إلى خلافاتها مع  ابنتها ناهد، قائلة: «مش حنينة وقلبها جامد عليّا..  منها لله وقلبها أجمد من اخواتها ومسألتش عليّا، وشريف  طول عمره بيحب الفلوس أكتر من أبوه وأمه، بيعبد القرش».

 

 

​

وأشارت، إلى أنها اعتزلت الفن وارتدت الحجاب منذ 45 عاما، وأطلقت الكثير من المشروعات العقارية.، متابعة: "«في فيلم أعز الحبايب شكري سرحان ضربني بالقلم وعيني جابت دم، ومبقتش أشوف كويس وشريف استغل الحكاية دي وكان بيمضيني على العقد وكتير أوي، مضاني على 4 عقود معرفش فيهم ايه».

وتابعت: «مش هشتكيه وربنا هيجيب لي حقي، وطلب

مني يروح يقعد معايا في شقة جاردن سيتي، ومضاني وأنا مش بشوف على حاجات مش بتاعتي والشقة دي إيجار، وأبوه قبل ما يموت قالي هأمنك عشان شريف لما هموت هيقلعك هدومك وفعلا طول عمره بيعبد الفلوس ومكنتش أتخيل إنه يعمل فيّ كده، بقاله 9 أشهر مقاليش أنتِ فين».

ولفتت، إلى أنه طردها من شقتها التي كانت تقيم فيها بمنطقة جاردن سيتي بنظام الإيجار: «قاعدة في العمارة بتاعتي في المهندسين وكاتباها باسم بنتي نيفين، وحد قالي إن شريف طلب الفيلا من الشهر العقاري رغم إن نيفين مسجلاها، وفعلا استولى عليها شريف وخان الأمانة».

 

للمزيد من أخبار الميديا اضغط هنا