أحمد كامل يواصل صدارة يوتيوب بـ"على عيني" .. فيديو

يواصل المطرب أحمد كامل، تصدر قائمة الأكثر استماعاً بأحدث اغنياته "على عيني"، والتي جمعت أكثر من 3 ملايين و400 ألف مشاهدة، عبر موقع الفيديوهات الأشهر عالمياً يوتيوب.

اقرأ ايضاً .. خلال 24 ساعة.. أحمد كامل يتخطى نصف مليون مشاهدة بأغنية "قصاد بابك"

الأغنية من كلمات مصطفى ناصر، ألحان أحمد كامل، توزيع موسيقي، إسلام الأزرق، ومن إخراج عمر زكى.

كلمات أغنية على عيني لأحمد كامل 

وتقول كلماتها:"انا كداب .. انا مانستش

فضلت استنى واتاري حكايتنا اللي مستنتش

ومهما بغني لغيابك وللنسيان

رجوعك غنوة لسة ف قلبي ماتغنتش

اشوفك فين .. وحشتيني

غيابك مش وجع هيروح .. ده شوك ماشي فـ شراييني

بقيت ماكرهش سيرة الموت

عشان انا مت فعلا لما نسيتيني

على عيني اشوفك جاية قدامي وابص بعيد

على عيني تفوت بينا الليالي وتنتهي المواعيد

على عيني اقول للناس .. حكاية وانتهت وخلاص

وانا فـ سري بحبك تاني كل ما اقول هحب جديد

تعبت خلاص من التمثيل

انا لا بخير ولا قلبي بقى عايش ومش بيميل 

بتوّه نفسي فـ الدنيا والاقيني

بقول الصبح انا كويس .. واموت بالليل

طلعتي لسة ويايا

ومانستكيش ولا هنسى .. ولا وجعي ده ليه نهاية

فرحت اني بقيت مابكيش قصاد الناس

واتاري دموعي نزلت مني جوايا".

يذكر أن، المطرب أحمد كامل طرح مؤخراً "مش شرط"، التي طرحت على يوتيوب، وسجلت أكثر من 4 ملايين مشاهدة، كلمات وألحان: أحمد كامل، توزيع: إسلام شيتوس.

كلمات أغنية مش شرط

"مش شرط يبقي السكوت رضا

يمكن سكوتنا عن الكلام كان سببه خوف

تايهين ما بين ده و ده

وقلوبنا تتيتم بحجة الظروف

قلبي معلمنيش غير الوجع وال اه ..

بنعيش علي ذكري م الماضي للحاضر ..

ياما البكا محبوس لاكن الكلام فياض ..

كلمتها و سلمت لاكن الفراق شاطر ..

غمضتي عيني ليه وكأني ما حبيت ..

غربتي حيلتي القلب و بكينا علي روحنا ..

مع اني فيكي بموت و عملت قلبي بيت ..

يفضل غنايا طريق للشكوي في جروحنا ".

للمزيد من أخبار الفن تابع من هـــــــــــــــــــــــنـــــــــــــا