المنظمة الدولية للعدالة والسلام تنعي شهيد الواجب أحمد اللواح

 

نعت المنظمة الدولية للعدالة والسلام، وجميع سفراءها وأعضائها، شهيد الواجب الدكتور أحمد عبده اللواح،  طبيب التحاليل والأستاذ بكلية طب جامعة الأزهر، الذي لبى نداء الانسانية، فأصبح شهيدا، بعدما نقل إلى المستشفى قبل أيام، في حالة حرجة متأثرًا بمضاعفات فيروس كورونا، عن عمر ناهز ٥٧ عام.
وتقدمت "المنظمة" بخالص العزاء والمواساة فى وفاة المغفور له بإذن الله تعالى الذى لبى نداء ربه، داعية المولى عز وجل أن يتغمده بواسع رحمته وأن يسكنه فسيح جناته مع النبيين والصديقين والشهداء والصالحين وحسن أولئك رفيقا، وألهم ذويه وزملاءه الصبر والسلوان.

وكانت من بين آخر منشورات للطبيب، قبل وفاته، على صفحته الشخصية على موقع التواصل الاجتماعى، "فيس بوك"، نصائح للمواطنين بالبقا فى المنازل، لعدم انتشار عدوى فيروس كورونا، قائلا: ليه خليك في البيت؟ وايه اللي هيحصل لما نقعد فى البيت أسبوعين؟ الناس تتساءل: يعنى بعد الأسبوعين دول هيحصل إيه؟ ما احنا هنرجع تانى لحياتنا والفيروس هينتشر تانى ؟.

وأضاف: خد بالك معايا: الناس دلوقتي أربع أنواع، ناس لم يصلها الفيروس، ودا هيستفيد إنه مش هيجيله العدوى، ناس حاملة الفيروس من غير أى أعراض، ودول قعدتهم فى البيت مش هيعدوا حد، ومع الوقت

الأجسام المناعية هتقضى على الفيروس اللى فى جسمها، ناس حاملة للفيروس وعندها أعراض خفيفة، ودول قعدتهم فى البيت هتخليهم مش هيعدوا حد ومناعة الجسم مع الوقت هتقتل الفيروس فى جسمهم، بعد الأسبوعين هيكون اتخلص من الفيروس واكتسب مناعة طبيعية كمان، والنوع الرابع، ناس حاملة للفيروس وعندها أعراض شديدة ودول محتاجين يروحوا المستشفى و يتعالجوا فيها.
 
وتابع: أهم شيء جدا، الفيروسات اللى انتشرت على الأسطح والأرض وحتى لو فى الهواء هتموت بعد أسبوعين لو مالقتش جسم انسان تتكاثر فيه، المهم خلال الأسبوعين دول، لو التزمنا، ممكن الفيروس يموت فى الخارج لو مالقاش جسد يدخله، ويموت فى داخل اجسامنا كمان، الفيروس محتاج جسد بنى آدم علشان يتكاثر ولو مالقاش بيموت و هى دى الفكرة من القعاد فى البيت.