واخد 22 مليون دولار مش جنيه.. أول تعليق من باسم يوسف على عودته للشاشة المصرية
علق الإعلامي باسم يوسف على عودته للظهور مجددًا عبر شاشات التلفزيون في مصر من خلال برنامج “كلمة أخيرة”، المذاع على قنوات "ON"، وذلك خلال منشور عبر حسابه الشخصي بموقع التواصل الاجتماعي الأشهر “فيس بوك".
أول تعليق من باسم يوسف على ظهوره ببرنامج “كلمة أخيرة”:
وقال باسم يوسف: "طيب يا جماعة عشان الكلام كتير والشائعات كتير، أنا زي ما شوفتوني أول مرة في أوضة الغسيل من مصر حتشوفوني تاني على شاشات التلفزيون المصري من أوضة الغسيل من لوس أنجلوس".
وأضاف باسم يوسف: "حكون ضيف أحمد سالم في برنامج كلمة أخيرة عبر الأقمار الاصطناعية أو راوتر الإنترنت، في حوار حصري يوم 7 أكتوبر، حنتكلم عن رحلتي الكام سنة اللي فاتت وحنقول شوية حكايات لطيفة عن ما وراء الكواليس في كل الأخبار واللقاءات اللي طلعت فيها".
باسم يوسف عن أجره مقابل الظهور في برنامج كلمة أخيرة: عيب كده أنا واخد 22 مليون دولار مش جنيه:
واختتم باسم يوسف قائلًا: “أسرار تنشر للمرة الأولى (أو لتاني مرة عادي)، أكشن، دراما، مقاطع بلوتوث ساخنة”، ساخرًا من أنباء تعاقده على الظهور ببرنامج كلمة أخيرة مقابل ٢٢ مليون جنيه، بقوله: "أما موضوع إني واخد 22 مليون جنيه، فبصراحة ده خبر عجيب جدًا، يا ريت نتحرى الدقة، أنا واخد 22 مليون دولار، عيب كده".
