"سيبوني أودعه وكفاية عذاب".. فريدة سيف النصر تستغيث بمستشفى شهير بسبب شقيقها (ما القصة؟)
تناشد الفنانة فريدة سيف النصر مستشفى شهير بمنطقة الشيخ زايد، بأن يسمحوا لأسرة شقيقها بزيارته، خاصًة بعد تدهور حالته الصحية وتوقف قبله مرتين، وذلك خلال منشورين مختلفين عبر حسابها الشخصي بموقع التواصل الإجتماعي الأشهر فيسبوك.
فريدة سيف النصر تناشد مستشفى شهير: سيبوا المرضي اللي انتم عارفين أنه خلاص يودعوا حبايب قلوبهم
وكتبت فريدة سيف النصر: “طيب وكله اضطر يروح بأوامر الطبيب..تخيل نفسك تكبر وتبقي في نفس الحاله .. يتقال لكم زي ماقولتم احنا عملنا اللي علينا ادعوا له فقط..كلامكم معناه خلاص..طيب لما عارفين ماتسيبوهم يشوفوا حبايبهم ولا هو عذاب من كله..هاتكبروا اكيييييد ماهو لازم الكبر عبر...لكن ياتري هاتنفذوا الأوامر ولا دكاتره وهاتجاملوا بعض”.
وتابعت: “رجاءا لله..سيبوا المرضي اللي انتم عارفين أنه خلاص يودعوا حبايب قلوبهم التعب مايبقاش من كله...كفايه روتين خللوها انسانيات .. تحت الارض كلنا تراب مش هنميز حد، خللونا نشوف ملامحهم قبل التراب مايختلط علي بعضه...لا حول ولاقوة إلا بالله العلي العظيم”.
كما كتبت في منشور آخر: “رجاءا وليس أمرا .. ، الدكاتره المحترمين اللي حقيقي ماقصروش مع بدر الدين جلال سيف النصر اخويا، لكن الحاله النفسيه زيها زي العلاج وساعات اهم”
وأضافت فريدة: “حالا توقف قلب اخويا مرتين ياقلبي..ولما فتح عينه عايز يشوف حد من ولاده أو زوجته..ماينفعش إنسانيا يتمنعوا لأنها ممكن تكون اخر الامنيات، فا إنسانيا رجاءا خليه يحس بوجودهم اي حد منهم لازم الرحمه فوق المفروض وفوق الروتين...كده ماينفعش..وانا في الطريق ...ادعوا له ياحبايبي..وقدر الله وماشاء فعل..ولاحول ولاقوة الا بالله”.
