مرتضى لـ"السيسي": راجع نفسك وما تعندش زي مبارك

شن مرتضى منصور، رئيس نادي الزمالك، هجومًا شديدًا على المهندس شريف إسماعيل، رئيس الحكومة المٌكلف، ووصفه بـ"الفاسد، وذكر أنه كان "يجلس على حجر الوسيط في قضية فساد وزارة الزراعة محمد فودة".

وقال "منصور" في مداخلة هاتفية لبرنامج "أسرار الملاعب" على قناة LTC، مساء السبت: "السياسة بقت كيمياء، والتغيير الوزاري فيه تهريج، مين شريف إسماعيل ده؟".

وأضاف: "من حق السيسي يغير، لكن ميجبش شريف إسماعيل اللي عين مراته في إنبي وعينت كل أقاربها في الشركة، وحولوا إنبي لعزبة، وعمل مع محمد فودة

وواصل هجومه: "أنا ضد هذا الرجل، وراجع نفسك يا سيسي ومش عيب، مشكلة مبارك كانت العند".

واستطرد: "أنا مليش مصلحة، لا تُعاند شعبك يا ريس، أنا وأنت هنتحاسب قدام ربنا، اختيار شريف إسماعيل غلط، لو الرقابة الإدارية مش عايزة تقولك، أنا أقولك على فساد هذا الرجل".