عمرو أديب عن إنقاذ طفل بأرض اللواء: «لو معمول في فيلم ما يتعملش كده»
علق الإعلامي عمرو أديب على واقعة إنقاذ شاب لطفل سقط من شرفة أحد العقارات في منطقة أرض اللواء بالجيزة، بعد أن تمكن الشاب من التقاط الطفل قبل ارتطامه بالأرض، في مشهد أثار تفاعلًا واسعًا.
واقعة إنقاذ شاب لطفل سقط من شرفة أحد العقارات في منطقة أرض اللواء بالجيزة
وقال عمرو أديب، خلال تقديم برنامج “الحكاية”، عبر شاشة “أم بي سي مصر”، : «أنتم عارفين المثل، يعني عادة الأمثال ما بتركبش قوي، ولكن في مثل هتشوفوه دلوقتي راكب جدًا، اللي هو: اديني عمر وارميني البحر».
وأضاف خلال تعليقه على الواقعة: «النهارده في شيء مصر كلها واقفة تتكلم عنه، حاجة غريبة. ربك بقى، يعني ربك اللي هو البطل السوبر مان اللي قدر يعمل حاجة غير طبيعية النهارده. طفل يقع من البلكونة، وفجأة في حد من تحت يلقطه، شيء غريب».
وتابع: «يعني لو اتفرجتوا على الفيديو، والله لو معمول في فيلم ما يتعمل كده، إنما ربك مدي للطفل اللي وقع ده عمرًا، اديني عمر وارميني من البلكونة».
وأشار أديب إلى تفاصيل المشهد الذي وثقه الفيديو، قائلًا: «أهو في أرض اللواء الصبح، في هدوء وإلى آخره، وشاب واقف في الشارع عادي جدًا، بيبص، تبص جري، وليه؟ مسك الواد وقع. بص تاني، هو مش مصدق. مسك الواد وقع من البلكونة، لقطه تحت».
واستكمل: «بص يا عيني، أعصابه وقعت منه، باظت، قعد على المرتبة. العيل نازل من البلكونة زي الصاروخ، كان هينزل 100 حتة، أهو 100 حتة. كان هينزل على الأسفلت حقيقي.. سبحان الله، ويسبب الأسباب».
تابعوا آخر أخبار بوابة الوفد الإلكترونية عبر نبض