محمد أبو العلا: كنت قريب من الاعتزال بعد رحيلي عن الزمالك
كشف محمد أبوالعلا نجم نادي الزمالك السابق تقاصيل رحيله لأول مرة عن القلعة البيضاء في عام 2009 وبعد تواجده داخل جدران الأبيض 21 عاما سواء في فريق الناشئين أو في الفريق الأول.
وقال أبو العلا خلال استضافته براديو صوت الزمالك عبر برنامج كورفا سود: بعد 21 عام متواصل في الزمالك رحلت في 2009 اتوعدت من المجلس اني مكمل وهجدد ولما رحل المجلس وجاءت لجنة معينة اتغير القرار وقرروا إني أرحل لجنة مكننش فاهم وقتها قصة القيد والكلام ده لأن قبل 5 أيام من غلق القيد قالوا انت مش معانا بعد ماكان نزلت تدريب مع طارق يحيى وقلت مش هقدر أكمل وهبطل خلاص ولكن كابتن طارق قالي في الإنتاج الدنيا هتكون هادية ومفيش ضغط جماهير ومضيت سنة وأول 3 و4 مباريات ملعبتش.
وتابع: أول هدف سجلته لما رحلت عن الزمالك كان في الزمالك وكانت مشكلتي أنا مش فاهم إزاي ألبس تيشيرت تاني كان أحساسي إني بلعب ضد التيشيرت بتاعي وضد مكاني وضد هويتي مشوني بعدها بدون معايير وبعد سنه ونص كلموني عشان يرجع وأنا كنت قدامهم ببلاش .
وأكمل: مع انبي أول مباراة امام الزمالك سجلت في الزمالك وفزنا 3-1 ولم أفرح أيضا موقف صعب جدا ومجبر إني أكون فيه بعدها الزمالك كلمني وقالي تيجي الزمالك كان عن طريق أحمد حسام ميدو وقت حسام حسن بس قلتلهم أنا مضيت 5 سنوات.
تابعوا آخر أخبار بوابة الوفد الإلكترونية عبر نبض