"بيقولوا بتأفور" .. فيفي عبده تكشف سر حديثها عن الحسد والعين
كشفت الفنانة فيفي عبده تفاصيل إصابتها، موضحة أنها استيقظت في الـ 7 صباحا لتجد المنزل غارقا بالمياه، قبل أن تسقط من السرير وتتعرض للكسر.
وقالت فيفي عبده خلال مداخلة هاتفية مع الإعلامية «نهال طايل» في برنامج «تفاصيل» المذاع على قناة «صدى البلد2»: «صحيت الساعة 7 الصبح لقيت البيت غرقان بالمياه فقمت من السرير فجأة لقيت نفسي نازلة مكسورة وطلعت على المستشفى، ساعة القدر يعمى البصر».
وأضافت فيفي عبده: «لما بقول حسد وعين الناس بتقول فيفي بتأفور، والناس مش بتسيب حد، ونفسي الفنان يعرفوه من جواه، لأن الفنان بيبقى قدام الناس بيبتسم، وهو من جوة بيتقطع».
وأوضحت فيفي عبده: «اللي بيحاور الفنان بيكون عايز فضايح، أنت ما تاخدش مني فضايح، أنت خد مني الفنان ده بيعيش إزاي؟ وبيتعامل إزاي؟ بيمارس إيه؟ الضغط عليه إيه؟، لكن الناس عايزة جنازة وتشبع فيها لطم».
وتابعت: «جملة 5 مواه عايشة لأنها طالعة من قلبي صادقة فوصلت للناس بصدق، لأن الكلام ده بنقوله في كل وقت».
تابعوا آخر أخبار بوابة الوفد الإلكترونية عبر نبض